元朗西鐵站點去啟德麗晶花園?

最方便係九巴268c，大馬路大坑渠有站，落車站係「啟業邨」，經天橋再行過啟業邨就到。
另一方法係手搭多一個站到九龍灣鐵路站落車，上去平台小巴站(megabox shuttle隔離)有小巴51M去麗晶花園。
西鐵雖然差唔多時間，但全程都要企又要行得遠轉車，仲要$16.8，港鐵好快加價喇，268c $16.5，一程車隨時仲快過西鐵。


2010-05-23 21:57:06 補充：
268c 上車到啟業落車約40-45分鐘，加埋行路時間，你預１個鐘再比多15分鐘走盞就ok。
好似啟業落車行過去會方便少少，九龍灣站行去搭小巴都要5-7分鐘，等車又係時間，咁不如早一個站用10分鐘行過去啦！

咁多年彩虹去元朗／天水圍真係無乜幾次搭港鐵（除非有免費車程），因為50分鐘裡面又要企足全程兼要行６分鐘去轉車，都係268c好囉！除非龍翔道/３號幹線撞車，否則都唔會塞車！

你係咪指九龍灣個麗晶花園?

2010-05-13 23:59:24 補充：
如果係的話好容易..

元朗搭地鐵去九龍灣站..出九龍灣站A出口..之後要出德福廣場..出左德福廣場你會見到間周生生..見到周生生你會見到有個小巴的士總站..總之你要搵到間周生生..之後搭一架51M小巴..果到靜係得一架小巴搭..冇第2架..你會見到總站係麗晶花園..一上車坐到總站落就得架啦

返黎都係咁..麗晶花園商場門口又係有哩架小巴..你走果陣時又係搭返哩架小巴返總站就得..總站都係果個站..因為哩架係循環線小巴..d路線來同回都係一樣..之後又係咁行返去地鐵站搭車返元朗就得