我男朋友話發覺唔鍾意我...求求地地幫下我

我同佢拍左拖兩年零7個月,由中三直到而家中五
由中二果年我已經暗戀佢,到中三時就主動追求佢
我地開始得好快,因為本身唔認識到方,第1次出街佢就主動拖我手同我一齊
開始果半年多真係好開心,佢好錫我我地亦都好愛對方
但後來我地之間產生左愈來愈多問題
每3-4個月就嗌一次大交,而有幾次都嗌分手,我好努力咁留住我地既關係
但有時嗌得多交,好攰....
而且每次有問題既時候佢都不停咁逃避,唔願意解決
我認之前係我唔成熟亂咁發脾氣,後來我慢慢咁好努力去改
其實我真係好錫佢,好關心佢,但有時愈係緊張佢就愈覺得我煩
唔知點解愈鍾意佢就愈容易發脾氣...
從來都冇諗過愛一個人愛得咁深
直至佢升上中6,去左第2間學校,好像愈黎愈疏遠
由之前成日見面到而家個幾星期見一次,
同埋開始覺得佢唔係好錫我同關心我,即使我生病佢有空都唔會黎照顧我
開始覺得佢對我既關心只係好表面..我亦都有同佢提出過哩個問題,佢都有誠諾過會改善,

今年我要會考,因為讀書問題所以更加少聯絡,但依然有每日sd信息/傾一陣電話,
佢又應成我考完之後帶我周圍去玩,其實哩段日子佢都對我幾好
5月10號係最後一科考試+同佢既31個月,5月9號果晚佢主動約我
到左10號果日,佢放左學打比我,係咁問我去邊好,果時其實自己都炆炆地,態度唔係幾好
然後我同佢講話上我屋企先,由講電話一刻我覺得佢語氣唔同以前,係好唔開心
問佢咩事,佢話係學校有d野煩,之後我地見到面,我一直都冇理到佢
上到屋企,佢一個人坐左係到,依然唔出聲,表情又有d失落咁,
開頭我好嬲,因為我問佢咩佢都話冇事,冇野,但我知道佢係有事,我嬲佢唔同我坦白
哩個狀況維持左差唔多1個鐘,後來我攬住佢,幾次想錫佢點知多次迴避
我就好唔開心咁番入房,過左冇幾耐佢比左張紙我,寫住"我發覺我唔鍾意你"
我問點解,幾時既事,佢話唔知..可能係上次嗌分手之後
我問係咪我做得唔夠好,佢話知道我好努力,唔關事
又話佢知道我好關心佢,佢自己都好錫我但佢已經唔愛我,佢諗左好耐,佢仲話對唔住我
係哩段時間,我地兩個都喊得好利害,我知道佢好唔捨得我...
我拎左兩隻佢之前送比我既公仔比佢..佢見到之後叫我好好咁keep住
但迫於無奈,最後我選擇放手,睇住佢離開我屋企..個心愈痛..

我真係好唔開心,係咁喊,好掛住佢好唔捨得佢,我好愛佢
但點解兩年幾既感情,唔鍾意,就分開左?
從來都冇諗過有一日佢會因為唔鍾意我而分手
佢係咪已經真係唔再愛我?但佢前幾日仲對我好好...
我好想挽留番段感情..兩年幾得來不易..我好用心投入感情..
但換來既始終要分開...我應該點算好???我好唔好再揾番佢?佢只想見佢..
求下你地幫幫我忙..好辛苦