有倒及牙 請資深人士解答

我也曾經是倒及牙, 但後來箍牙, 所以好左好多.
你現在仲細, 我勸你大個d先去箍, 因為我試過17歲去箍, 但到廿幾歲又慢慢倒番及, 所以又要再箍過, 所以我覺得最好等d牙根生定先去箍會好d, 況且到時你已經出黎做野, 可以支付箍牙費.
我箍第二次牙用左四萬幾蚊, 個數一開始就講好左, 個醫生係先收左萬幾蚊, 然後每個月去收緊牙箍時每次支付一千蚊, 直至俾完為止.

我覺得呢段時間你在飲食習慣方面要注意一下, 例如唔好用牙去咬野扯野, 好像咬蘋果, 扯雞脾等等, 飲食習慣係一定影響d牙點生. (我細個時就好鍾意扯雞脾). 依家箍完牙, 我都好愛惜, 例如食蘋果係用刀切開一舊舊, 然後先放入口食, 因為就算箍好牙, 你唔改飲食習慣, d牙都有機會變番以前咁.

希望幫到你啦.

你可先看牙醫, 經 診 斷 後才作决定!
1成為公務員/符合資格人士

除非你去政府急症室看診,政府醫生認為你有急切需要,便會轉介你到政府醫 院牙科部 (牙齒矯正科)接受治療。因為政府醫 院牙科部只為公務員及其家屬或符合資格人士(急症)提供的免費服務,否則只可到私家牙醫!

2成為菲 臘 牙 科 醫 院適 合 教 學 用 途的矯 齒 之 教 學 病 人! 便可享便宜的箍牙服務 ! ^o^, 但現在已暫 停 接 受 矯 齒 教 學 病 人 ,你只有等!!!! 留意他們另 行 通 告 為 止。

菲 臘 牙 科 醫 院 詢 問 處 ： 2859-0238 查 詢
http://www.ppdh.org.hk/b5/teaching.htm
本 院 定 於 二 零 零 九 年 八 月 二 十 四 日 （ 星 期 一 ） 起 暫 停 接 受 矯 齒 之 教 學 病 人 ， 直 至 另 行 通 告 為 止 。

3.
香港醫藥援助會有較相宜的牙科服務，你可直接致電 2776 9081向他們查詢。
看他們有否提供牙齒矯正治療及收費。

4夠$先做

現時香港註冊的牙科醫生都曾接受過基本牙齒矯正科(即箍牙)的訓練，你可向個別牙科醫生查詢他們是否提供這類服務。你亦可以選擇一些受過專科牙齒矯正科訓練，而且得到香港牙醫管理委員會批准以專科名銜註冊的「牙齒矯正科醫生」，為你提供箍牙服務。如果在箍牙過程中有需要進行其他治療，例如補牙或脫牙等，牙齒矯正科醫生是會轉介給其他牙科醫生的。

香港牙醫管理委員會認可使用「牙齒矯正科醫生」專科名銜的牙醫名單，請瀏覽以下網頁：

http://www.dchk.org.hk/tc/list/dentist.htm

可以問家人借嗎? 嘗試說服家人借錢吧........你同家人說倒及牙會影響消化, 影響健康.....同父母一齊去見牙醫吧..........如果唔得, 唯有大個自己努力搵錢....

你可以試下去循道衛理聯合教會楊震牙科診所
http://www.yangdental.org.hk/contact_c.htm
問下，我知道佢地油麻地診所有箍牙服務，但我唔清楚收費，不過洗牙就好平，平過外面好多...
倒及牙以我所知有兩種方法可以改善到:
1) 做面部整形手術，在兩邊面頰開刀，視乎情況而定開兩刀定開四刀，開兩刀就只拉上顎或者下顎是但一樣，而開四刀就即係上下顎骨都要削骨並且拉返去一個好d既位置，配合食野既咬合同埋整體面形既外觀，然後上螺絲固定位置，再用針線聯返埋個傷口，這類整形手術好平，首先去你心儀既箍牙醫生度照x-光，由箍牙醫生轉介去政府醫院做手術，醫院只收你住院費用，手術費全免，但傷口要預2-3個月才會癒合，其間只可以飲粥水，同埋要在家休養，因為冇啖好食既關係，你身體會比較弱，而且面部會腫到好似豬頭咁...
2) 用上橡筋既方法，醫生會為你做一個牙套套住d牙，唔俾上下排牙齒互相碰到，然後慢慢將上排牙拉出黎，下排牙拉入去，d橡筋會刮損口腔，所以你會成日生痱滋。
如果講效果快而明顯呢，我就覺得做手術會快d，但辛苦好多。
有咩問題你可以再問我。

2010-05-21 22:50:24 補充：
其實箍牙冇話幾時箍效果會特別好或者特別差既，我有兩位朋友都係十四五歲就箍牙，今年都三十幾啦，但一個就keep唔到，另一個就keep得幾好，原因係你有冇依足牙醫吩咐戴固定器，箍完牙起碼要預年幾兩年時間黎戴固定器至得既，當然唔同人發育既快慢都唔同，怕只怕你d顎骨未固定，尚有發育既空間，咁就會影響效果囉。