好惊啊！要上高等法院

香港所有裁判法院嘅上訴, 都係由高院原訟庭處理. 而區域法院及高院原訟庭嘅上訴, 就係由高院上訴庭處理. 程序係咁, 無乜好驚.
你被裁定“不小心駕駛”罪成, 上訴不服定罪及不服判刑 (即係申請減輕處罰), 會由原訟庭一位法官處理. 你可以找律師代表 (私人請或申請法援), 亦可以自已上庭做.
私人請律師上訴, 就要揾律師樓轉聘大狀, 費用大約 $25,000 (大狀約收$15,000, 律師樓約收$8,000, 雜費大約$2,000. 注意: 呢d價錢只係一般估計, 唔同嘅大狀 / 律師樓收費有分別. Eg. 你揾資深大狀清洪上訴, 佢會收$200,000一堂, 你揾個做咗2年嘅大狀, 可能只收$10,000). 揾法援就要合資格同埋由佢決定單case有無point. 無point就未必批.
自己做上訴, 就要在上庭前一星期將你嘅上訴理由以書面呈交法庭及律政署. 律政署會對你嘅上訴理由作書面回應, 並在開庭前將回應呈交法庭及上訴人 (你). 上庭當日各自拿住份上訴理由 / 回應拗, 由個官決定邊個拗贏. 就係咁簡單.
你如怕上庭, 當然可以撤消上訴. 在上庭前寫封信去高院, 話你撤消上訴, 咁就ok.
注意: 上訴唔係一般人咁諗, 上去將單案再審過. 上訴法官係唔會再聽d証據嘅. 上訴法官只會睇吓原審法官有無在法律、程序、判斷上出錯. 如果有, 上訴法官先會對判決作出干預. 上訴法官係唔會就原審法官對事實嘅裁判作出干預, 除非佢認為原審法官嘅裁判係武斷、有違邏輯或內在劃然性. 舉個例, 原審法官聽完証據後選擇信証人而唔信你, 咁上訴法官係唔會話原審法官錯嘅. 因為原審法官見過証人作供, 睇過証物, 聽過雙方舉証、陳詞, 而上訴法官審訊時並不在場, 佢只有文件睇. 資料無原審法官咁充足. 但係如果証人明顯不合邏輯不可信, 例如男人變女人, 日頭變夜晚, 但原審法官仍信佢, 咁上訴法官會作出干預.
上訴不服判刑, 係要判刑 "明顯過重 (manifestly excessive)", 先有機會上訴得直, 獲得減刑. “明顯 (manifestly)”呢個字好重要. 小小過重, 上訴法官係唔會作出干預嘅. 例如一般係罰$500, 但佢罰你$2000, 又例如一般係罰停牌3個月, 但佢罰你停牌2年, 就係明顯過重. 如果一般係罰$500或停牌3個月, 但佢罰你$800或停牌5個月, 咁就唔係明顯過重, 上訴法官係唔會作出干預嘅.
你無講因乜原因上訴, 我講唔到更多嘞.

PS: 兄臺你有好多發問 / 回答, 亦有好多 “移除”. 本來我唔想答你, 廢事答完你又移除, 浪廢我時間心血, 亦影響我嘅採用率. 但見你話好驚, 先幫吓你. 請唔好睇完答案又移除, 令我失望.

私人請律師上訴, 就要揾律師樓轉聘大狀, 費用大約 $25,000 (大狀約收$15,000, 律師樓約收$8,000, 雜費大約$2,000. 注意: 呢d價錢只係一般估計, 唔同嘅大狀 / 律師樓收費有分別. Eg. 你揾資深大狀清洪上訴, 佢會收$200,000一堂, 你揾個做咗2年嘅大狀, 可能只收$10,000). 揾法援就要合資格同埋由佢決定單case有無point. 無point就未必批.

自己做上訴, 就要在上庭前一星期將你嘅上訴理由以書面呈交法庭及律政署. 律政署會對你嘅上訴理由作書面回應, 並在開庭前將回應呈交法庭及上訴人 (你). 上庭當日各自拿住份上訴理由 / 回應拗, 由個官決定邊個拗贏. 就係咁簡單.

你如怕上庭, 當然可以撤消上訴. 在上庭前寫封信去高院, 話你撤消上訴, 咁就ok.

注意: 上訴唔係一般人咁諗, 上去將單案再審過. 上訴法官係唔會再聽d証據嘅. 上訴法官只會睇吓原審法官有無在法律、程序、判斷上出錯. 如果有, 上訴法官先會對判決作出干預. 上訴法官係唔會就原審法官對事實嘅裁判作出干預, 除非佢認為原審法官嘅裁判係武斷、有違邏輯或內在劃然性. 舉個例, 原審法官聽完証據後選擇信証人而唔信你, 咁上訴法官係唔會話原審法官錯嘅. 因為原審法官見過証人作供, 睇過証物, 聽過雙方舉証、陳詞, 而上訴法官審訊時並不在場, 佢只有文件睇. 資料無原審法官咁充足. 但係如果証人明顯不合邏輯不可信, 例如男人變女人, 日頭變夜晚, 但原審法官仍信佢, 咁上訴法官會作出干預.

上訴不服判刑, 係要判刑 "明顯過重 (manifestly excessive)", 先有機會上訴得直, 獲得減刑. “明顯 (manifestly)”呢個字好重要. 小小過重, 上訴法官係唔會作出干預嘅. 例如一般係罰$500, 但佢罰你$2000, 又例如一般係罰停牌3個月, 但佢罰你停牌2年, 就係明顯過重. 如果一般係罰$500或停牌3個月, 但佢罰你$800或停牌5個月, 咁就唔係明顯過重, 上訴法官係唔會作出干預嘅.

你在地院一裁不服, 要上訴, 自然係高院! 找個律師啦!!