白表抽居屋問題

你雖然住公屋,但係你唔係戶主,要係戶主,用間公屋交番出唻,去抽居屋先可以用綠表.
若然你只是有戶藉,咁你係用白表申請.
現時房署正打算用六四比例比綠表及白表,即綠表佔六成,白表佔四成.
但係經過上次房協申請的額數而看,實在太多人希望被抽中,所以入表實在太多.
若然你咁好彩白表被抽中,咁你戶籍當然要刪除啦,你唔可以又霸佔房署內有個名,然後外面又有樓嘛.
咁抽中都有分先後次序架,通常係好似六合彩攪珠咁抽NUMBER咁架,咁睇你係抽先抑或後面果啲先可以揀樓.
當然,你可以揀三房單位都得,你供得起嘅話,但通常兩夫妻加個細路三人行嘅大把,咁負担亦冇咁重,你自己諗諗啦.
揀唔啱當然可以唔買啦,最多係唔取消你公屋嘅戶藉,你住番同屋企果間公屋之嘛,係唔駛死嘅.
但係若然你落咗訂,之後話唔要,咁就係撻訂,冇得賠架.

咁即係話只要我供得起同抽中左,咁就算我得一人都可以買d家庭單位?

係可以，最大單位刀得，最貴刀得，只是排到仲有冇！同是否按揭到此數目！

係俾我抽到居屋後,係咪要o係公屋戶籍入面剔除我個名呢?

買后，當然要！

其實可唔可以放棄唔買ga?

可以，下次要重新申請！