麻雀用語, 點解叫「食糊」「炸(酢?)糊」等等

各種“糊”~
食糊 : 手上的牌全部都組合好，勝出
叫糊 : 還差一隻有用的牌才能食糊，找尋中
鷄糊 : 有三隻相同，但唔係清一色，又有順數位嘅牌
天糊 : 只係莊家先可以食，起首14隻牌就食糊
地糊 : 莊家打出第一隻後，其他任意一人食糊
人糊 : 非莊家先可以食，第一隻自己摸嘅牌就食糊
對對糊 : 牌中只有三隻三隻相同嘅組合
平糊 : 全部都係順數位嘅牌，並且唔係清一色
炸糊 : 以爲食糊，攤出牌來，其實並未符合食糊嘅條件
出寵 : 放炮，某人出的一隻牌正是別人叫糊等的牌，他出此牌令到別人食糊
截糊 : 某人出的牌令到同時有兩人可以食糊，上家的人食糊令到下家的不能食
棄糊 : 放棄食糊，有意唔食糊拖累到其他人食唔出
叫啞糊 : 叫一啲食唔到糊嘅牌

其它各種術語
甩牌 : 唔使睇隻牌，通過用手摸牌o既圖案就知道係乜嘢牌
打龍通 : 兩人或幾個人合謀通水
碰 : 手上有兩隻相同，再從人家剛出的牌上攞一隻
上 : 上家剛打嘅牌同你手上嘅牌可以組成三隻順數，就可以上
槓(明槓/暗槓) : 有四隻相同牌時可以槓。明槓(需展示牌)，其他人打出；暗槓(不需展示牌)，自己模入
站長 : 長時間思考嗰位，意思指站站停
門前清 : 未上過或未碰過
九張落地 : 因上或碰牌後而必需畀人睇到的九張牌，即係上牌或碰牌咗三次
十二張落地 : 因上或碰牌後而必需畀人睇到的十二張牌，即係上牌或碰牌咗四次
誅下家 : 有意令下家唔可以上牌
豬(誅)大嫂 : 令下家唔可以上牌嘅人
收藏家 : 收收埋埋人哋需要嘅牌的人
種番薯/養番子 : 有意留着番子牌
一黐(音讀痴)牌 : 順數位的三隻或相同的三隻，又叫“一楷牌”
單吊 : 只能叫一隻牌
眼 : 一手牌中唯一嘅一對（七對子除外）
叫眼 : 眼的其外一隻，屬於單吊之一，又稱“單叫眼”
雙(三、多)飛叫 : 叫兩(三、多)隻牌
後兜 : 第一次唔要或留意唔到，第二次或以後再找需要的牌
卡竉 : 冇左順數字嘅三隻牌中，中間嗰一隻
順子 : 意爲順數字嘅三隻
打骰 : 投骰子選擇摸牌的起始位
執骨(執骰) : 碌骰仔後撿起骰仔免它四圍溜
大三元 : 中、發、白都係一黐牌，即係有中中中發發發白白白
小三元 : 中、發、白有兩隻都係一黐牌，另一隻係一對，即係中中中發發發白白
大四喜 : 東、南、西、北要有三隻以上係一黐牌，且一定要是有番嘅做一黐牌
小四喜 : 東、南、西、北要有三隻以上係一黐牌
槓爆 : 四張牌相同之後槓，摸尾段最後一隻，又啱啱係食糊
槓上花 : 槓之後從後面摸返一隻牌剛好令到成副牌糊出
高張 : 稱讚打牌高手
罰張 : 罰停摸一次牌
差"一張"牌 : 再摸多一隻有用嘅牌先可以叫糊
番 : 贏牌後計算籌碼數嘅一種計量單位，衡量一手牌勝出之後可以贏對手幾多籌碼(錢)
三番起糊 : 一手牌食出之後要三番以上才能食糊
對死 : 各人手上拿的牌正是別人叫糊的牌，互相都不出，令到大家都唔可以食糊
冧莊 : 因爲對手食糊而使自己的莊位轉移到下家
見光死/見白不收 : 打出嘅牌唔准收回
花張 : 不整理牌
搶槓 : 食糊嘅人食槓左牌嘅人的明槓牌
大相公 : 手上嘅牌多咗(多過十四隻)
小相公 : 手上嘅牌少咗(少過十四隻)
海底撈月 : 摸最後一隻先食糊，意思指好難搵到隻牌

大部份都係copy番黎o既,但係有d講得唔係好明,我用左好多時間整理一次咖!
希望幫到你啦 ^^

麻雀用語, 點解叫「食糊」「炸(酢?)糊」等等

回答 (2)