Philip - please come in

關於Picture style如何設定其實係好個人喜好.1000D裏面既預設Picture style其實就係Canon工程師既建議.
Sharpness, Contrast同埋Saturation表面聽來似乎係好嘢,多啲冇壞.啲人買甚麼鏡皇都係追求呢啲表現.但係用數碼方法做出來既係唔同原本光學既表現的.
所謂加Sharpness其實只係將影像邊緣既亮度增高,令到睇起來較Sharp.適可而止效果會好好亦都係必需.過咗火就會見到出晒白邊,而由於相機係唔知甚麼係真正邊緣,即使一粒雜訊既邊緣都會加Sharp,咁結果係令雜訊明顯咗,有啲起渣感覺.
對比度就係亮度既差距,增加的話可以令光位更光,黑位更黑.影像鮮明看起來很討好.但係過咗火就會令原本冇咁光既地方都好光,冇咁暗既地方都好暗,影像層次小咗.例如影人啲頭髮變咗頂帽咁.太陽曬到既地方就白晒.
飽和度同對比度原理差不多,不過佢係深淺色的關係,加得過咗火就會變晒得翻深色,冇層次.例如影紅花咁,就成朵花都好紅,但係冇晒紋.
咁好喇,點先叫適可而止呢?一般來講,多數人接受影風景可以假啲,似畫咁都冇所謂,所以三個參數都不妨高小小.但當然要注意影像層次消失的問題.但有時又會寧願層次小啲,但張相搶眼啲,點樣增減靠經驗之餘亦好睇你喜好.
又例如影人像咁,一般認為皮膚滑啲較討好,所以Sharpness唔會咁高.另外嘢嘢大紅大綠都太假,所以對比,飽和等都會低小小.不過呢啲又係好個人喜好,好似我咁,我影人同影景都係用相同Sharpness的,要皮膚滑唔該自己化好妝先影.又或者影既時候唔好用咁硬光影都唔會整矇張相去就.
其他題材都係用呢個方向去考慮,係咪覺得好煩呢?如果影下景又影下人咁咪成日較來較去,好唔得閒?所以我一向都話要影raw,之後先用電腦微調.Picture style用一個較中性既就得喇.