✔ 最佳答案
無論是一手還是二手的水晶都好,從開採、加工、運輸、批發、零售等,到交到你的手,從中都唔知經過幾多人的手?所以無論是一手還是二手的水晶新買回來後,都要徹底消磁以清除之前留下的負能量,至於如何消磁?消磁的方法有好多種,你買晶洞時,店員會因應你購買的晶洞大小而教你最適合之方法的了,唔通幾十公斤重的晶洞都教你要搬動和浸水的消磁方法咩?不過如果購買二手的晶洞要多留意有冇碰撞過或者崩裂的痕跡就真,因為可能用AA膠就咁黐番都唔定,晶洞或晶簇岩岩蠶蠶的,唔係特別細心留意檢查都唔多覺眼架!
玩水晶可分為源自古印度的西方新時代學說(New Age),和東方的風水、五行學說,以五行區分晶洞的資料和使用方法,請見:
http://www.jenching.com.tw/feature.htm 。
放左個紫晶洞之後係咪不可移動它?係就係可以移動唔緊要的,但擺放晶洞一開始就應該選擇擺在全屋的固定吉位,唔係放在年年轉的玄空飛星財位啊,可見以上連結的「放置水晶洞的旺位」篇。
一舊普通紫晶同紫晶洞分別在哪?一舊普通紫晶的能量是放射性的,所以可以給與人水晶的神奇力量;而晶洞的能量是吸納性的,所以可以吸引人緣、客流、財運、和吸掉刑煞、藉著水晶的力量而化掉。