有關睇牙醫及牙檢問題!!! (急)

你意思去見牙醫係做乜先？如只做檢查．佢唔會話剥你隻牙既．要你同意及比錢 ka ma. 你唔同意咪得 lor. 另外，如真係蛀牙．都唔使剥 ka. 只係補番即可．我都補過幾隻．唔太痛的．如你有牙週病．早 D 醫好喎．拖都唔係辦法！如你想洗牙前 D 牙週病好 D 先．可去藥房買樽白兔牌番齒兵食．一日兩次每次兩粒．可即時減輕口腔發炎及牙肉腫痛 ka.食幾日好 D 先去洗牙 lor. 我 lum 你真係要去見下牙醫啦．逃避唔係辦法！依家有牙醫會用激光治療去減低病人痛楚的．如荃灣港安醫院就有．你不如去個度睇牙醫 ba la.　

'桑寄生茶'也可以試試的, 有助消炎消腫.

1 你見牙醫時同佢講明檢查後要回家考慮左,先做任何治療! 就O.K.

2 牙齒鬆既問題
i)牙槽骨萎縮: 患上嚴重的牙周病時，牙槽骨便會萎縮，牙齒因失去支撐，會變得鬆動。
ii) 牙齒周圍組織發炎
如果因蛀牙或牙周病引致牙齒周圍的組織發炎，即生牙瘡，牙齒便會變得鬆動。
iii)牙齒碰傷
牙齒受碰撞後，有可能因支撐牙齒的組織受損而變得鬆動

處理方法:如果患上牙周病而令牙齒鬆動，便要盡快找牙科醫生，作出適當的治療，以免病情惡化。
當牙齒周圍組織有發炎的現象，便應找牙科醫生診斷，對症下藥，根治炎症，例如進行牙根刮治或牙髓治療，避免炎症蔓延以致牙齒周圍組織繼續受破壞。
如牙齒因受碰撞而變得鬆動，應盡快往見牙科醫生檢查一下口腔情況。


3 你都唔痛(初期),*****快D去醫!**** 唔使補\^o^/
假如你有蛀牙，最適合的方法是盡快接受牙科醫生的治療，讓他詳細檢查你蛀牙的情況。如果只是初期的蛀牙(只影響琺瑯質)，牙科醫生可在初期蛀牙的部位塗上高濃度氟化物，令初期蛀牙部分還原。但如果蛀壞的部分已蔓延至象牙質，就一定要修補了，因為蛀牙的部分已深入牙齒，補牙就是唯一控制蛀牙蔓延的方法，單憑日常的口腔護理並不能防止它繼續惡化。

蛀牙剛開始: 患初期蛀牙的部位發生在牙齒的琺瑯質，不會有痛的感覺，而且牙齒表面通常是完整的，肉眼看不見有蛀洞。牙齒鄰面這部位的蛀牙就更難察覺。有時需照 X-光片才能確定。

^u^唔洗杜牙根! 蛀到最深(牙痛而影響睡眠), 你都唔痛,快D去醫!
蛀牙蔓延至牙髓：如果牙痛影響睡眠，可能是那顆牙齒內的牙髓發炎所引致，而止痛葯並不能消除因牙髓發炎引起的痛楚。
牙齒出現明顯蛀洞，產生劇痛。牙髓有機會受細菌感染而壞死，細菌甚至會從牙髓經牙根部分擴散至附近的牙周組織，引致發炎或膿腫 。

成日擔心,好大壓力 !遲D醫,情況變壞就唔底啦!!
快D去見牙醫啦^8^/~
同你打打氣! 加油! 加油!唔洗驚 \^o^/

牙醫首先會為你檢查,然後先同你講你啲牙有咩問題,如果有爛牙或爛到冇得補,先會杜牙根,流牙血係因為牙齒與牙肉之間刷唔乾淨,如果再唔好好咁刷,牙周病就會形成,牙肉會向上或向上咁縮,而外露牙腳,細菌再入侵,咁就會令牙齒脫落,亦唔好因此買硬毛刷刷牙,介紹你買ORAL B牙刷啦,ORAL B有不同款嘅牙刷,外形唔同係就返每個人唔同需要,你可以去藥房細心購買,平嘅十蚊八蚊,貴嘅幾十都有,通常牙肉出血,你盡量用中毛牙刷不停喺果個部位刷,可能會覺痛,千其唔好避咗去當冇事,更要早晚都喺呢個部位不停刷多啲,咁先會去除細菌.
刷到唔流牙血唯止,咁即是冇事啦.
牙醫若果發現有蛀牙或需要杜牙根,佢會通知你有幾多隻,係邊隻嘅,咁你可以問佢價錢,因為未必人人帶夠錢架嘛,咁你唔怕問價錢架,可以嘅咪一次補哂所有蛀牙囉.
但係杜牙根唔係一次可以做完,而且價錢相當貴,你可以補完蛀牙,下次先杜牙根,但有病就必須盡快醫啦,唔係成世人就唔知剩番幾多隻牙啦,需知錢係其次,到你老咗冇哂啲牙,要配假牙就慘啦.
做齊檢查,補牙或杜牙根先會幫你洗牙,洗牙係洗走牙石及污漬,因為成年人都會有牙石,而污漬係日常食嘢飲嘢時留在牙縫,每年都要洗一次牙嘅.
你唔駛驚嘅,通常牙醫都好就住病人嚟做嘅,唔會點痛嘅,我都係一年去牙醫度檢查一次,洗牙同檢查有冇蛀牙.
睇嚟你唔發覺啲牙有事你都唔去牙醫度,呢啲錢唔慳得架,唔係到老你就知.