✔ 最佳答案
有心臟病、高血壓,醫生一定會叫佢食麥皮代替雜糧,就買兩罐麥皮俾佢每日食都得,但老人護理院一般都唔讚成長者自己攞滾水沖嘢食,因為有一定危險性,容易燙傷長者!除非是設備、服務都較優良的私人護老院,有指定姑娘、大嬸照顧長者,就可以放D沖劑叫負責照顧你嫲嫲嘅服務員定時沖俾佢飲。
其實你去探嫲嫲,佢已經很開心了,老人家又有多種長期病患在身根本就不宜隨便食嘢,你去探佢買幾個水果(不宜過多,老人家食唔切會爛,唔捨得丟棄,食爛水果有害健康),兩大包纖維餅就足夠了。買餅干都要留心D,甜餅對糖尿病人不宜,鹹餅含鈉過高會影響血壓,對心臟唔好。唯有小麥所做的纖維餅對長者比較適宜。
唔使過份擔心嫲嫲係護理安老院會被人虐待,目前香港的生活、居住環境,年青人要為口奔馳,獨留長者於家中乏人照顧較送他們進護理安老院由專人照顧那種形式更安全?只要細心分析就知道答案。樓上所說的請兩個私家看護照顧長者是不切實際的想法法,註冊護士沒有兩萬元以上薪酬是無法聘請的,還要給她們居住地方呢,沒有過千尺居所是行不通的。請印傭、菲傭照顧基本健康不太差長者還可以考慮,但有多種長期病患,行動不便的,還是去護理安老院較適合。
有時間多些去探望嫲嫲吧!