如果無論如何都唔會一齊, 係咪就唔應該表白? 或者..我應該

我同佢係好朋友
本身係同學, 初初識果陣, 我地好快就熟, 變得好fd, 其中一個原因係我成日搵佢, 但又唔係話追佢, 果時只係覺得好投緣, 佢好好人
慢慢發覺自己好似鍾意左佢, 但係其實到而家我唔sure係咪真係... (因為初初大家連朋友都未係, 只係同學既時候, 有同學傳我同佢, 慢慢留意多左佢, 產生左好感.. 我驚其實我只係好渴望愛情, 而唔係真係鍾意佢..)
不過佢令我流過好多淚, 心痛過無數次
果時熟左無耐佢就要去外國讀書..
之後我地都keep住msn聯絡, 不過多數都係我主動搵佢, 大約..6成幾7成啦 (呢個係令我覺得佢唔鍾意我既原因之一)

最近有d事, 我嬲左佢, 過左10幾廿日之後佢同我say sorry (我諗.. 佢應該係初初覺得我唔係真係嬲佢, 加上佢平時都唔係成日msn我, 可能唔為意有咩問題,所以10幾廿日都冇搵我, 最後見過左咁耐都冇搵佢就覺得我真係嬲佢..)
但果陣我其實嬲左幾個字就冇嬲喇.. 不過我果段時間冇搵佢, 係因為我覺得(其實好耐之前已經覺得) 我再搵佢, 就會越黎越重視佢, 問題會越來越嚴重, 加上我果排就黎要考試, 諗住要專心溫書
佢say左sorry之後, 我又忍唔住同佢msn返, 我地好返啦.. 跟住過多10日左右= =又有d事嬲佢, 今次真係嬲, 但係都唔係嬲左好耐, 都只係一日...
其實我都仲未考完試, 所以果陣我又開始冇搵佢
到而家已經3個禮拜... 佢都未搵返我
所以.. 由此可見, 佢都係唔係鍾意我架喇..
(仲有好多令我覺得佢唔鍾意我, 亦有d令我覺得佢都有少少機會係鍾意我 既例子, 不過要講有排講, 同埋想分析下佢鍾意/唔鍾意我, 應唔應該表白, 因為都諗過好多次, 亦問過好多人, 都得唔到結論究竟係鍾唔鍾意... 係得佢先最清楚")


我覺得佢唔係鍾意我, 但係點解我都會諗好唔好表白呢
就係我覺得好辛苦...
e.g. 佢係陳小明, 只要d野有一個「小」字, 或者相近/同音, 我就會諗起佢
新聞 / 其他人提及佢去讀書果個國家又會諗起佢
好多好多有好少好少同佢有關係既野都會諗起佢
諗起佢其實係開心.. 不過冇得同佢一齊, 冇得親眼見到佢, 我就好唔開心, 慢慢越來越唔開心...
無時無刻都會諗起佢, 而且次次個心都la住la住..


可能我真係好想佢鍾意我啦..
所以有時我都會諗, 凡事唔係絕對, 就算我肯定, 但..佢可能其實係鍾意我呢.. (雖然都係覺得冇可能)
如果佢係鍾意我, 而我表白, 咁2個鍾意對方既人應該係埋一齊..
但.. 各種原因, 我又唔想拍拖
1. 頭先講過, 我唔知我係咪真係鍾意佢...
2. 我唔係覺得家人比情人重要, 但唔知點解我父母反對我拍拖我就唔想拍拖, 唔想咁樣瞞黎瞞去, 幾年前我拍拖(其實都唔算~ 都係d puppy love), 後來比呀媽發現左我都主動分手..
3. 我覺得我絕對唔係一個好女朋友, 如果拍拖, 應該會有好多問題產生.. 就算佢遷就我, 我都會好多情況要「啞忍」(但其實只係自己性格問題, 自己攞黎~唔關佢事)
就好似, 而家我同佢只係朋友關係, 但好多時我都會呷醋, 其他女仔同佢只係好普通好普通既傾偈, 我都會好唔開心, 或者佢唔在場, 但係其他女仔咁岩講起佢, 又好唔開心
同埋如果佢約其他朋友而我係識佢地, even係男, 但係冇約我, 我又好唔開心, 但我只係佢朋友一個!
我有時唔like佢某d行為, 但其實又唔係話咁壞咁唔好, 我都會嬲佢
我地而家只係朋友, 都已經咁.. 我有諗過假若我有幸做佢女朋友, 一黎佢對我會好, 二黎我知道佢個心係我度, 可能會好d
但我覺得..我會變本加厲"
所以, 即使佢鍾意我, 我覺得我地關係又未必會長久...


我好耐之前已經想表白, 最後冇係因為一黎冇勇氣, 二黎覺得佢都唔鍾意我, 表白好似好無謂咁.. 三黎唔想之後做唔到朋友...
但係我諗, 我其實唔能夠只係對佢係朋友..
佢的確係一個好好既朋友, 我有咩唔開心, 佢安慰我, 甚至佢唔知我唔開心, 所以只係講d唔關事既野, 我都會好快冇事
我乜野都會同佢share, 好多好多野都會同佢講
次次同佢傾偈, 我都會非常非常開心
但係呢d開心既背後, 唔開心係幾倍咁黎
e.g. 一同佢傾完msn, 或者見完面之後, 就會好唔捨得, 好唔開心
傾偈過程越開心我就越期待, 例如 msn途中佢有事行開左冇話我知, 過左幾個字之後我就會好唔開心
所以我諗如果佢唔鍾意我, 我之後又唔可以同佢繼續做朋友, 其實表白左對我黎講可能都係一件好事
同埋我覺得佢有權知道...
但另一方面, 我又驚影響到佢... 始終大家如果將來有機會見面, 可能會尷尬..