其實知道馬力同扭力對轉波有咩用?

為咗證實上面003 Chan Chi Wang 所講嘅喺最高扭力輸出時轉波係最快嘅呢個謬誤, 我特登上網揾咗一個 DynoChart 出嚟解釋一下.


圖片參考：http://imgcld.yimg.com/8/n/HA00663040/o/701005080176913873398150.jpg


呢個圖係一架02年嘅 Mazda 6 2.3 所測試嘅馬力扭力輸出線性圖. 橫軸 X-Axis 表示引擎轉數 (呢度係由 0, 每一千轉加上去, 到八千轉). 左邊嘅縱軸 Y-Axis 係喺馬力機上量度出嘅車輪輸出動力, 以kW 單位表示; 而右邊嘅縱軸就係扭力輸出單位, 以Newton meter N.m 計算.

綠線係扭力分佈, 紅線係馬力分佈

呢架車嘅峰值扭力約喺 3500 轉出現 (綠線最高一點), 而峰值馬力則喺 6290 轉時出現. 因為線喺約 6500 轉斷咗, 我地假設紅區就係喺 6500轉

以盡油嚟講, 每次上一個波, 一般嚟講引擎約莫下降二千轉. 如 Chan Chi Wang 所說, 如果用峰值扭力嘅轉數轉波, 引擎轉數跌到 1500轉, 當時只有得番 160 N.m 扭力. 當冇跌咁多, 只係跌 1500轉, 咁引擎喺 2000轉時, 都係約莫得 180 N.m 左右.

但係如果踩到上紅區先轉波, 6500轉跌到 4500轉, 當時係 190 N.m, 而就算跌 1500 轉到 5000轉, 都仍然係 190 N.m 左右, 即係英文所謂嘅 Torque plateau, 仍然喺一個高嘅 Power Curve 入面.

咁樣就解釋到, 要得到最強加速力, 點解要喺紅區上波, 而唔係喺 peak torque 轉波, 亦都解釋到點解汽車雜誌同節目試車試加速, 同埋玩直路加速 drag racing 嘅人, 加速踩油係波波盡, 到紅區先轉波.

如有疑問, 可以參考下面幾個網上article 同討論

http://www.allpar.com/eek/hp-vs-torque.html
http://cargather.com/NISSAN/350z-0779.html
http://members.optusnet.com.au/m6666/6idyno.jpg

2010-05-10 11:54:56 補充：
"個轉數愈低 去到最大馬力同扭力 代表愈好", 亦非必然.

一般喺街行駛, 大部份時間喺低轉數運作, 咁當然係低轉數高扭力嘅車係較適合, 所以其實低排放嘅柴油汽車比嗰D高轉數先好力嘅大細踢, 甚至拉利更合適喺街上走

但係落場就唔同, 除咗加速嘅扭力之外, 亦需要高轉數嘅馬力去保持或提高速度. 轉數區域較高, 會增加咗引擎工作嘅靈活性及動力輸出線性.

2010-05-16 16:38:33 補充：
每部車嘅性能都唔同, 但大致上嚟講, 要達到最佳加速效果, 一定係波波盡, 到接近紅區先轉波. 因為如果萬一轉波慢咗, 紅區上一個波之後轉數跌落嚟都一定會離peak torque 轉數較接近

好片面咁講, 加速睇扭力, 極速就要靠馬力去同好多因素抗衡 (如風阻).

"每次去到6000先轉波, 還是6000轉以上"，6000轉已是極速，再上隨時會爆盤，即爆引擎。最理想當然是在6000轉，但其實賽車時最多時是在4800轉時轉波，因該段是最高扭力。如果已在最高波段，而又想在引擎處再搾取更多馬力，就要令引擎上到接近6000轉。
"因為每次轉波個轉數都會下跌些少"，這是因為在加上一波時，齒比與車速要相配合，引擎轉速會自然地減些少，因當時車速穩定。
"係咪每次轉完波 能夠最快上番6000代表愈快呢?"，這問題本身就有問題，因每個波段有不同齒比，即有不同扭力放大比，加速度亦會不同。你定要最快上6000轉，則當然是一波最快上引擎6000轉。而最高波段甚至不能到達6000轉，要借助一些技巧來達到。

呢啲數字對駕駛冇咩大作用，極其量可以作一比較，例如人地部車有二百匹，咁唔使諗你起步一定比人慢。如比較車速以平路計，大家都可以開到二百公里係冇問題，不過你要踩到六千轉，人地可能仲係三千轉，一到斜路，你轉速跌，唔落低波都踩唔上，但人地仲可以保持轉速仲未需要轉波，你所謂快係無意思。可以做一簡單測試，用五波吊油門保持七十公里，由平路開始上斜，由於冇加油，車速會下降，當去到六十公里，你才加油，但唔好落波，睇睇可唔可以上番七十公里，同埋要幾耐先上得番。