急....高院保釋 & 律師求請

你無講案情, 我只答你問題. 如有需要可補加案情, 睇吓再幫唔幫到你.

1. 可以向高院申請高院保釋等候判刑, 對判決無影響. 但因為佢係認罪, 批准機會好微. 而且還押期會計入刑期內, 唔會白坐.
2. 現實中求請 / 求請信係無乜用嘅. 人人都係 "經濟支柱", 人人都 "深感後悔", 法官日日聽, 悶啦. 所以除非犯人以前紀錄超哂班咁好 (火場救人, 做咗40年義工…), 否則唔會有得減. 但我始終一句 - 有好過無.
3. (a). 如上 (b). 可在上庭當日由家人搵當值律師或由懲教署職員代為通知當值律師
4. 當事人家中唯一經濟支柱不是輕判理由. 法官會話明知係咁就更加不應犯法.


2010-05-10 16:36:19 補充：
1. 老實說, 公司列佢入黑名單, 你估佢 d 同事 / 上司會否唔怕公司唔鐘意而夠膽幫佢寫求情信? 再者, 就算佢肯, 你問任何一個律師, 佢都會話你知, 求情信嘅作用差不多 = 0, 除非係d好例外嘅 case. 你朋友嘅 case 並非 exceptional case.
2. 當然有幫助. 重好大潻. 佢將果個月糧全數歸還公司, 公司在事件中結果無損失, 係好大嘅求情因素. 如需我教點進行, 請告訴我.

2010-05-10 16:36:50 補充：
3.a. 申請高院保釋可以自己做或揾大狀做. 自己做當然唔使錢. 可在獄中揾福利官幫手做. 揾大狀做大狀費大約$15,000, 律師費大約$8,000, 連埋雜項$3,000, 埋單二萬五六走唔甩. 個人意見成功機會很微, 而且申請得嚟分分鐘差不多夠鐘上堂聽判, 唔值得.
3.b. 職業關係, 唔方便介紹大狀俾你. Sorry.

2010-05-10 16:37:03 補充：
4. 呢單案特別d. 佢借人去 interview, 然後自己上工, 雖然係詐騙, 但事實上佢有付出時間 / 勞力去換取月尾出糧. 所以如果佢將 d 糧俾番公司, 公司實際上係無損失嘅, 重可能賺咗一個人免費同佢打一個月工潻! [呢點對佢求情極有幫助, 記得同當值律師講!] 所以有機會判社會服務令, 至多緩刑, 應該唔使坐.
5. 唔可以話俾最後機會. 個官下得令攞感化 / 社會服務令報告, 即係好大機會判感化 / 社會服務令, 否則攞嚟做乜? 直頭判入獄啦. 但好多官都鐘意在攞報告時還押犯人, 等佢感受吓坐監茲味, 但又唔係真正判佢坐監, 以示小懲大戒. 謝霆峰案就係個好例子.

2010-05-10 16:37:10 補充：
6. 好大程度係. 如果個感化官話個犯不適合感化 / 社會服務令, 個官會依從. 咁到時佢就别無選擇, 只有判監 / 緩刑.
7. 如 (4)
8. 有可能. 個官心諗, 我肯攞感化 / 社會服務令報告, 即係俾條路你行, 你居然咁寸話唔做感化官報告及社會服務令報告, 咪等你感受吓坐監茲味囉.