九龍城寨公園保育方法!!!

好詳細喎,可以比最佳我嗎,ok?
九龍城寨，係喺香港嘅九龍城區入面一座圍城，喺1993年已經拆咗。九龍城寨原名九龍寨城，亦有人叫九龍城砦，因為舊時九龍城寨嘅城池只係用石頭起出嚟，所以以前啲人鐘意叫呢度做城砦，即九龍城砦。喺香港歷史上，呢個地方曾經係一個引起好多政治爭論嘅敏感地方，又曾經係一個出名「三不管」嘅神秘地帶。1987年港府宣佈清拆城寨，引起社會關注，最後落實分三期進行清拆，而家九龍城寨已經變咗做一個公園，叫做九龍寨城公園。

歷史 [編輯]
九龍城寨嘅歷史最早可以追溯到中國宋朝。佢位於九龍灣中心，由鯉魚門南行嘅船都一定會經過，而且重係沿海重要嘅戰略地點，不過喺二三十年代因為填海起啟德機場，九龍灣就唔再係海港。
名稱由來 [編輯]
九龍城寨原名叫九龍寨城，後來由於香港政府喺劃分區域時，將九龍寨城周圍嘅地方都全部叫咗做「九龍城」，後來為咗唔想混淆，於是就將九龍寨城改為九龍城寨，等佢可以同「九龍城」分返開。
城寨來由 [編輯]
九龍城寨歷史最早可以追溯到中國宋朝，原本係防衞海盜嘅據點，為咗防止海盜，喺1810年就起咗座九龍寨炮台[1]。而喺經歷過鴉片戰爭之後，九龍城寨嘅戰略地位就變得更加重要。於是去到清初康熙年間，為咗方便防守同官衙做嘢，就開始起城池，而九龍城寨就因為咁喺1846年起咗出嚟[2]。
殖民地時期 [編輯]
到咗1898年，英國希望租借深圳河以南同離島所有島嶼，於是要求簽署《中英展拓香港界址專條》將九龍半島同香港島一樣變成英國殖民地，但中國方面堅持唔畀九龍寨城列入租地範圍，結果就令九龍城寨變成中國喺香港宣示主權呢個獨特地位。城寨變成清朝官員做嘢嘅地方，即係有啲似領事館咁。
不過由於城寨地方細，所以駐喺城寨衙門入面嘅清朝官員幾乎都係啲唔話得事嘅細官，官細之餘重無軍隊，得幾個捕快，於是喺1899年，英國曾經想將城寨收返為九龍半島一部份，於是派咗啲英軍入去，入面啲官立即嚇到走夾唔抖。
但係喺1890年7月17號，李鴻章路經香港，同當時嘅港督卜力見面，提醒返九龍城寨重係中國領土，唔好亂嚟，自此之後港英政府就無再搵人入城寨搞搞震[3]。
獨特地位 [編輯]
由於港英政府唔可以搞，結果當時城寨一直保留住由清朝到辛亥革命後嘅狀態，令九龍城寨成為當時好多外國人走去「感受舊中國」嘅旅遊點。
雞鴉狗 [編輯]
70年代 [編輯]
清拆 [編輯]
1987年港府宣佈清拆城寨，引起社會關注，最後落實分三期進行清拆[4][5]。「九龍寨城」拆晒之後，喺1995年改建成而家嘅九龍寨城公園，而原有嘅九龍巡檢司衙門就保留做法定古蹟畀市民參觀。
光明街 [編輯]
光明街以前兩邊都係石屋同寮屋，由於呢度好多賣白粉嘅檔攤，呢啲檔攤都點好多蠟燭，畀啲道友追龍，所以成條街點晒啲蠟燭，啲人就叫呢條街做光明街，不過啲白粉道友就叫呢度做「電台」，因為啲道友叫食白粉做「上電」，所以啲白粉檔就叫做「電台」。
不過後期呢條街已經無晒啲白粉檔，改為做食品生產，其中最大有幾間造魚蛋嘅工場，另外重有啲做豬紅、砵仔糕、燒豬同燒鴨嘅工場。
老人街 [編輯]
老人街（Lo Yan Street）同光明街都係喺龍津道112號同114號之間，條街大約五十年代初期形成，20年代有基督教團體喺嗰度起咗間老人院，之後啲人圍住間老人院起好多村屋，所以啲人叫呢條街做老人街，不過後期間老人院改咗做青少年活中心。
由於老人院係由衙門改建，所以老人街有好多古蹟，其中有兩尊嘉慶七年嘅古炮最有代表性，老人院建築風格亦可以睇到有衙門嘅特色。以前呢條老人街亦係城寨入面唯一見到太陽嘅地方。間老人院係1987年政府清拆城寨時唯一保留嘅建築，重列咗做法定古蹟，即係九龍巡檢司衙門[6]。
大井街 [編輯]
大井街（Tai Chang Street）算係城寨入面其中一條最老嘅街，未有城寨就已經有呢條街。大井街因為有一個大井，所以叫大井街，而呢個井喺舊時係成個城寨最主要嘅食水來源。不過到咗二三十年代，因為霍亂，而井又係最多霍亂菌嘅地方，全香港好多井都要封，不過大井街個井就去到五十年代先封，之後開始就改晒水喉供水。
西城路 [編輯]
西城路，英文路牌係 West City Road，係城寨入面唯一一個路牌唔係用音譯做英文。顧名思義西城路之所以叫西城，係因為呢度係城寨最西嘅地方。呢度有好多潛建寮屋，好多人去到九龍城寨，第一樣嘢就係見到呢堆建築。
九龍寨城公園 [編輯]
公園係以清初嘅江南園林為設計模式。
禁煙安排 [編輯]
呢個場地全面禁煙。
開放時間 [編輯]
每日朝早6點半到晚黑11點。








圖片參考：http://upload.wikimedia.org/wikipedia/commons/thumb/0/02/KowloonWalledCityPark.jpg/120px-KowloonWalledCityPark.jpg


九龍寨城公園南門懷古




圖片參考：http://upload.wikimedia.org/wikipedia/commons/thumb/9/9e/Image-Kowloon_Walled_City_southgate.jpg/120px-Image-Kowloon_Walled_City_southgate.jpg


「南門」及「九龍寨城」石額




圖片參考：http://upload.wikimedia.org/wikipedia/commons/thumb/9/9b/KowloonWalledCityPark_corridor.jpg/120px-KowloonWalledCityPark_corridor.jpg


江南園林典型曲廊




圖片參考：http://upload.wikimedia.org/wikipedia/commons/thumb/3/3f/KowloonWalledCityPark02.jpg/120px-KowloonWalledCityPark02.jpg


2010-05-07 20:41:24 補充：
快比最佳我啦,ok?