舊年學初期, 我個小朋友曾經因唔識應新學校生活&功課壓力太大打過吓自己個頭&喊. e件事我地本來係唔知既, 只係因為睇唔明佢手冊上寫咗乜功課, 我老公打去問班主任. 班主任答完功課既野就好輕描淡寫咁話我個仔同其他小朋友好唔同, 咁我老公咪問佢有乜唔同, 佢就即刻話忙收線, 我地都唔知發生咗乜事. 後嚟, 到10月頭左右, x姑娘打嚟搵我, 佢話佢係學校社工 (但其實佢係學校既主任嚟既, 負責就學校輔導), 佢話要約我同我老公一齊見面, 講吓我個仔既情況, 佢話我個仔學校成日打自己, 打得好緊要咁喎. 到interview時比佢鬧咗我地成1個半鐘, 鬧我地唔識教仔, 家教出咗問題, 夜瞓會早死....諸如此類..., 之後佢突然話我地個仔係自閉症(好肯定既口氣) , 又話自閉症通常有7成係輕度弱智. 我地當時嚇到呆咗, 個仔平時好精靈, 只係怕醜同內向咗小小, 讀書都ok架, 默書測驗都平均80幾90分, 點輕度弱智呀?? 我咁講, 佢轉口話係亞氏保家症, 要我地搵私家兒童精神科醫生(權威嗰啲)同個仔做評估, 有咗結果, 佢地會幫個小朋友咁喎.
之後我地搵咗一個協助亞氏保家症既機構協助轉介去咗大埔醫院既中大兒童精神科度做初步評估. 教授初步都話我個仔正常, 只係人際溝通方面弱咗d. 佢建議我地做個詳細report, 有咗e個report, 咁學校就唔可以話我個仔有問題. 佢叫我地返去學校要求班主任&x姑娘寫個詳盡既report比佢, 講吓佢地點解會話我個仔有自閉症. 到我地要求佢地寫report時, 個x姑娘係度發爛渣, 話唔應該written, 應該係個機構比個表佢地剔, 又話要搵教授理論, 仲話個report唔重要, 最緊要係幫到個小朋友. 心諗: "頂!話咗你知係佢冇問題囉, 只係要求你地寫番你地係乜角度話佢有問題姐, 使唔使咁? 又係你話report好重要架嘛, e家又話唔緊要, 即係點呀?" 最嬲既係連個班主任都耍我地, 唔肯寫. 我地搵校長, 係校長既協助下, 佢地最終寫咗 (封信今年3月尾收到). 以為件事可以了結啦, 點知最近, 我見到個仔有本小冊子, 佢話係個x姑娘叫佢寫低有乜唔開心事. 我個仔同我講都唔明點解要佢寫, 佢都冇唔開心, 佢仲話x姑娘好煩, 成日扮好人, 講完啲野比佢聽之後又誤會佢. 就e件事, 加埋啲同學仔唔so我個仔, 我個仔覺得啲同學&老師誤會佢有問題, 佢話想轉校. 所以我地搵班主任, 叫佢比成績表copy比我地, 同埋叫佢同x姑娘講唔好再騷擾我個仔. 之後x姑娘打嚟嘈我地嘈咗2日, 話我個仔仲有打自己, 喱埋係枱底度喊, 發脾氣尖叫, 踼枱櫈 & 掃晒枱上既野落地, 又話有好多雪亮眼睛睇到. 仲話我個仔講大話....(下刪數百字)話我地好唔比佢同我個仔做輔導. 最後, 我地嬲到搵校長投訴, 校長我地2方都過咗火都唔啱. 校長咁答, 我唔多滿意囉, 比個x姑娘滋擾成咁喎. 其實我地同小朋友關係好好, 佢會同我地分享佢既事架. 佢知道老師話佢講大話, 仲寃枉佢. 佢好唔會心, 佢同我地講佢冇打好耐架啦, 佢都冇事唔開心. 冇喱埋係枱底度喊, 佢只係唔小心跌咗本書落地, 爬落地執番架咋. 咁我信我個仔, 因為佢好文靜, 同埋佢做錯野都會同我地講件事仲叫我地原諒佢.我e家好嬲, 好想投訴, 可以點做?
個x姑娘既所謂輔導係咁:
x姑娘無知啦啦趁我個仔上堂時走去班房搵佢, 問佢
x: 手係用嚟做乜架?
仔: 手係用嚟寫字
跟住x姑娘捉咗我個仔去佢office, 一路行一路講: "手係用嚟做乜架?手唔係用嚟打自己架", 之後比本小冊子叫佢寫低唔開心野, 仲要隔日走去check我個仔有冇寫, 冇寫又話佢好唔寫. 轉頭就理直氣壯咁同我講話我個仔承認咗打自己. 我問番個仔, 仔: x姑娘都冇問我有冇打自己, 淨係講"手係用嚟做乜?手唔係用嚟打自己"咋. 咁樣, 如果咁都叫"承認"咁x姑娘好強詞奪理囉.
如果我想投訴e個x姑娘, 我可以點做?
更新1:
係瀝源村既聖公會x風小學. 如果我想向教育局投訴佢, 我可以點樣做? 我check過可以去教師操守議會設訴佢, 我係唔係可以去嗰度投訴佢架?
