✔ 最佳答案
本人之女兒親身經歷, 2年前女兒有幾隻蛀牙都頗嚴重, 初時先帶去睇普通牙醫檢查, 牙醫話有D要脫及有部份可似補, 由於女兒第一次睇牙醫, 牙醫先補部份牙齒至於脫牙再作安排, 你知啦大人如果蛀牙係輕微牙醫會用工具車走部份牙齒再作修補, 除非未補個牙, 大家都知道工具會有聲响及牙齒都會有唔好感覺, 有D大人都未必頂得順。 小女於車牙時掙扎牙醫只叫家人幫手按住, 小女車牙時感覺唔好, 車車吓再唔肯張開口。
後來牙醫見女兒唔合作, 稱無能為力, 寫紙介紹去睇菲臘牙科, 果邊檢查後都認為要脫牙及鑲兒童假牙要並全身麻醉, 但要排期超過一年。後來菲臘牙科比咗一張名單係有20多名兒童齒料牙醫, 叫我試找他們醫治時間會快。
家人隨機打電話去果D兒童齒科牙醫詢問情况及大約價錢, 最後找一個兒童齒科牙醫治療, 經牙醫詳細檢後要脫牙及鑲兒童假牙, 由於見女兒檢查時都很驚,所以建議我們同意全身麻醉及解釋原因及手術注意事項(例如麻醉當日如何準備及要冇其他病)。
當然家人同意牙醫建議, 於手術當日麻醉師親自解釋麻醉過程, 手術經3小時。手術完後女兒醒後好快可以自己行及識叫家人買雪榚吃, 因先前食凍嘢牙仔會酸軟。到宜家牙齒及身體健康(當然包括智力)都冇問題, 。
最後回覆你的問題, 如果小朋友蛀牙經牙醫及家人怎樣氹都唔張再口冶療及家家從牙醫檢查孩子的表現都覺得十分慌張, 全身麻醉的確是惟一方法, 因為唔醫反會產生進食問題。
醫生要將全身麻醉才肯替你孩子他脫牙呢,那這個醫生又是否不附責任呢? 就視乎該名牙醫對你是否有詳盡解釋原因及觀查該牙醫於檢查孩子表現, 有愛心及經驗牙醫於檢查兒童牙齒都會說笑氹氹減低孩子緊張心情, 及從中決定治療方法, 如果都係覺得全身麻醉最好又點可以講不附責任。如果小朋友於清醒下脫牙反抗反有機會弄傷自己及影響日後見牙醫心理, 當然最終係由你作決定是否全身麻醉。
