想問LCCI Level 3 搵工問題

我唔同意001所講. 以我自己做例子, 我5年前LCCI Level 3考到Distinction, 最近幾個月搵會計師樓工, 唔知係唔係我唔可以Immediate available的關係, 好多都無回音. 幾日前我收到個Offer, 但人工無你所講咁高. 尋日我已經起某討論區睇到有個人無經驗係CV寫要求$7K-$8K都無人理. 而家就算有人AAT考到Top student, 有多過五年會計經驗都搵唔到會計文員的工. 會計係唔係你所講咁好呢?
因為LCCI容易考, 好多人以為會計好容易賺錢, 所以愈來愈多人有LCCI資歷. LCCI學歷已經變得愈來愈唔值錢. 以前有LCCI學歷好容易有一萬幾人工, 而加貶值到無經驗得個幾千, 要做好多年先有一萬幾. 會計行業係好講經驗, 10份有差不多8-9份都要工作經驗.
會計自金融海嘯之後已經唔係乜野穩定工作, 金融海嘯期間我相信你都見過會計師樓節流的消息. 當老闆覺得會計只係一個識駛錢唔識賺錢的部門時, 經濟不景時, 你覺得老闆會先炒唔識賺錢的人定係識幫公司賺錢的人? 有D公司係無會計文員, Bookkeep工作寧願比會計師樓做都唔願意請個會計文員幫手. 再者而家大把人讀會計, 而且內地人人工低一截(有D公司已經將會計搬上內地), 老闆駛乜怕請唔到人?
如果你係香港想較容易搵到會計文員工作, 有最少1-2年經驗係少不了. 你仲想讀既, 你可以搵下兼讀高級文憑, 之後再讀degree.

LCCI level 1 LCCI level 2

都唔係太難就考到>>出面公司認授性唔高....佢地覺得係基本

LCCI level 3

就比較難D喇>>>出面公司認授性高,搵會計其實一定無問題,一開始應該有$7K-$8K到

讀得會計就係做會計架喇,可以話係一份好穩定既工.
仲想讀上去可以讀D會計高級文憑OR大學會計課程

希望幫到你