如何除消八達通?

八達通內嘅餘額係可以攞返 (無論係普通 / 個人 / 銷售版 & 退回 / 失效 / 報失)
不過餘額攞法同計法視情況而定

先講返退八達通嘅手續：

如果係租用版 (普通 / 個人)，只要去任何港鐵客務中心或新渡輪八達通服務站辦理退卡手續 (即係遞張卡，同個職員話要退卡)就得

如果係銷售版，你要打2266 2222查詢有關手續，有關八達通產品亦須經八達通卡有限公司檢查，一旦退咗錢八達通退回後唔可再用


至於可以攞返幾多，同點攞，仲有有咩注意嘅事就視情況：

如果係餘額唔夠$500嘅普通版八達通，就可以當場攞返$50按金 + 餘額，如果八達通發出唔夠3個月就還，就要扣返$7手續費。

餘額過$500嘅八達通，因為公司規定唔會喺車站退款，就會送返八達通卡有限公司處理後用支票退錢，7個工作日內會通知退款安排。

有自動增值功能或個人八達通，都要送返八達通卡有限公司處理先退錢，7個工作日內會通知退款安排。如果係持卡人離世，退卡者要攞埋遺囑檢認證明書或死亡證、第三方的身份證副本及與持卡人的關係證明去做退卡手續。

失效唔可以重新啟動嘅八達通除咗以上退法外，仲可選擇換一張臨時卡，入面有$20儲值額，嗰$20喺將會換返嘅新卡扣除。至於退款就要等送返去八達通卡有限公司處理之後先辦理。不過如果係損毀嘅八達通 (如分層、摺曲、切割、破損、塗寫、貼上貼紙或照片) ，會收返$30。

銷售版八達通就可以退餘額，唔退售價。

一次過退20張或以上八達通，係點都唔會即刻退錢，大量退款手續會交回八達通統籌處理。

另外，有登記八達通日日賞嘅，除非係失效 / 報失八達通，日日賞$係無得退返，至於失效八達通嘅日日賞$補領詳情，就要打八達通日日賞顧客服務熱線3690 1313查詢啦。

你可以到客戶中心直接同佢講,你而家吾需要張八達通,想退返錢就OK啦.
至於可否拎返八達通剩餘的金錢就睇你張八達通有沒負錢,如果沒就可以拎餘額+ 八達通本身的價值($50) , 如果你有負錢就只會得到八達通本身的價值($50)扣減行政費用

你可以去客戶中心講
"唔該,我想退返張八達通"
咁就可以攞返餘額同按金