又是很多孕婦問題

1.最好買定4-6個奶瓶,因為bb如要留院照燈,你冇得24小時o係醫院餵奶,
就要泵奶去醫院俾姑娘餵bb!
2.餵人奶期間,身體受賀爾蒙影響,經期係會遲d黎,好似我兩個仔女都係食人奶
到佢地7個幾月我先至再黎經期!不過唔代表呢段期間唔會有再bb!
3.你係指袖長定衫身長呀?我o個時自己就買長袖可以包埋手既短身和尚袍,
因為朋友有好多bb褲仔俾我!買6-8件差唔多啦!
4.細紗巾起碼買兩包(12條),用黎餵奶墊住,同幫bb洗頭抹面,
大既一包(3條)拎黎幫bb沖涼用!之後用殘左先再買啦!
5.吸鼻器係用黎幫bb吸鼻水既,如果你接受到就咁用口吸咪可以唔買囉!
探熱器就買個探耳仔既,賣百幾二百蚊度唔好慳
用到第時讀幼稚園(要屋企探左熱先俾返學!)
6.座奶器&消毒奶煲&奶粉格就唔駛買啦!食奶粉就有用!
7.bb車係俾你用既,緊係要方便輕身易收最好啦!
不過要睇清楚係咪可以平訓,因為初生bb腰骨未有力嘛!
我用combi既,大約$1200左右,toysrus同吉島都有賣!
夠輕身,抱住bb都可以單手收到車!

2010-05-07 00:37:16 補充：
你餵人奶,奶瓶保暖器就唔駛買啦!
就算泵出黎用奶瓶,用熱水左熱就得!
耳仔探熱器應該冇分既!

1) 奶樽多數有兩隻size-8oz同4oz，初生bb飲得唔多，可以用細樽，奶量增加先轉用大樽。飲水既話大細樽都冇所謂
你餵人奶最好都要預幾個係到，泵出黎既人奶都要用奶樽黎餵bb架嘛

2) 餵人奶期間大部份既媽媽都唔會來經，不過總會有例外既~ 而且唔來經唔代表唔會懷孕，所以餵人奶期間都要做好避孕措施 (除非你想再生啦)

3) 預幾多件就要睇你咩天氣生喇，好似早排咁潮濕，洗左都乾唔切就要預多d。加上bb間唔中都會嘔奶，一嘔到污糟又要換，所以最好預15件(長短合共) 至於係長短各要幾多件就睇你自己鐘意啦，冇咩所謂

4) 如果係全人奶bb可以唔需要預太多，而且洗左好快會乾，兩打一定夠喇。因為紗巾買都好方便，所以唔需要入咁多貨，我自己都係預兩打

5) bb有鼻水先需要買吸鼻器，呢個唔係必需品，而且亦唔係隻隻都好用，可能買左番去都吸唔到鼻水
對初生bb黎講，最好就用肛探，因為係最準確既，而且肛探探熱器唔會好貴，最好買定一支黎守門口。

6) 座奶器 - 而家天氣咁熱，d奶都唔會好快凍，可以唔需要座奶器。若果你會泵奶出黎，咁都可以用座奶器黎熱番d奶比bb飲。代替品﹕可以用大小小既保暖杯入d熱水入去，一樣有保溫作用
消毒奶煲 - 有需要用奶樽就需要消毒。代替品﹕用傳統方法，煲熱水黎烚奶樽，但要記得睇火，否則好易煲乾水！
奶粉格 - 方便媽媽分開奶粉份量同方便帶出街，若果你全人奶就唔需要喇...

7) bb車最緊要係安全，平貴都只係牌子既分別。係正常操作之下，唔使1000蚊既bb車都用到幾年架喇。不過要提提你，初生bb如果要放bb車就最好搵d可以平訓既，不過一般呢d車都會比較貴。而且若果你自己一個人出街既話，最好都係用揹帶，又安全又方便~

8) 奶瓶保暖器其實同座奶器都係同一樣野，你餵全人奶其實可以唔需要用。若果你要用奶粉開奶既話，用暖壺入熱水，出到街先開奶會仲好

體溫計係第5點都有講到，最好係用肛探，不過因為bb頭六個月發燒既機會都比較微，所以唔想買肛探既探熱器既話，用大人果d耳探機都ok既....

1,如果妳不是要上班的媽咪,就不用買奶瓶,如果要上班就要買,起碼半打,日後戒人奶後都可以用,,2,餵人奶經期係不會停的,妳聽什麼人講呀,,3,如果妳勤洗的話,每樣三件已經足夠,,4,妳所講紗巾,即是尿布,,妳要買兩打或三打,因為妳要禦防潮濕天,,5,一定要買,探熱氣有兩種,一種是肛探,一種是腋探,,看妳想買那種,,6,如妳是餵人就不須要買座奶器,因為妳每次都用乳房餵,買座奶器是沒用的,如果妳餵奶粉的話,妳所講的全部都要買,,7,手推車平貴都冇所謂,最重要係安全,...