有關人民幣兌港元一兌一的問題和影響! 20點!

雖然你要做功課,但我冇可能幾千字咁去答你.

成件事係3方面都有好處,香港市民,內地遊客&本地商店,因為3方面都可以減少兌換成本,可隨個人意願去使用兩種貨幣,雖然兩者兌換價格有差別,但選擇權仍然在消費者手中,所以唔能夠話係對內地人唔公平.

只有一個情況係唔合理,就係客人比人民幣,找錢就用港紙,呢個情況,係國內,以前係好普遍,即係香港人在大陸用港紙買野,店員竟然係找人民幣.咁而家當然唔會再發生啦,但另一個新問題係,而家佢地有部份都費事收港幣.

至於國際形象,即係人地點睇你,呢d野其實係國與國之間既政治角力,近乎接近到可以無中生有,例如我地既港幣,既無法行權,息率又要跟美國,咁美國既國際形象又有咩影響呢?不如話,邊個口大,就可以聲大啦.

2010-05-06 23:58:51 補充：
你而家做功課,主要係思考,而唔係去搵出絕對答案,係咪有利,係要根據實際情況而定,舉個例,有個內地遊客,夜晚突然想買d個人護理用品,於是就去酒店附近既便利店光顧,咁岩身上冇港幣,如果比人民幣都可以,絕對係好方便,而幾廿蚊既交易,匯率損失當然低於兌換成本,呢類咁既例子,根本係唔需要搬出數據去支持,而係有腦既人都諗到,比著係你都會咁做.

有一件事你更要明白,好多1兌1既商店,都會清楚說明此舉,而大銀碼既零售交易,店方亦不會輕言為匯率利益而失去生意,1兌1原意,只係想做多d生意,而唔係想去食個差價.

2010-05-07 00:04:30 補充：
仲有,出條問題果個人,係無中生有搵野黎問,第2條問對香港人有咩影響,根本就冇香港人會受影響,唔通香港人出糧係人民幣?根本絕大部份香港人就係用緊港幣.

其次係影響呢2個字,已經係負面,問題一開始就要回答者覺得一兌一係壞事,咁如果係我答,我實交番白卷比佢.

咁可能為方便點算,而且人民幣不是法定貨幣,國際上又用途唔多.香港商人收了人民幣都要冒住相當風險,所以兌換未如標準都唔出奇.