Canon EOS 1000D - +/- -12/3

那似乎是測光結果跟實際拍攝的曝光級數偏差.
我睇過1000D的playback畫面,如果用P mode的話,呢個數值應該唔會顯示.我估你張相可能係用M mode影.
相機的測光是跟據18%灰個標準的,佢會當所有睇到既嘢都係呢個反光度.遇有畫面有比較大面積既較光或較暗,較深色或較淺色物體的話就會令測光出錯,將張相影到過暗或者過光.簡單啲舉個例子就係影份白底黑字文件,由於白色佔了大部份,反射的光線令相機以為好光,於是就影翻暗的,變成18%灰的文件.
在半自動模式,即係P, Av或者Tv,由於光圈或者快門會其中一個或兩個設定需要由相機決定,所以當拍攝者發覺有咁情況時,就要話俾相機知唔該幫我影翻光啲或者暗啲.這就叫做曝光補償,1000D的方法就是按實機背一個有+/-符號的按鈕然後扭動轉盤去調較,負方向代表影暗啲,正方向代表影翻光啲.
曝光補償的原理係調節光圈同快門,所以在M mode下是不起作用的.除非用咗自動iso.但相機仍然會顯示你現在的設定跟相機測光結有多小出入,即係+/- 1 , +/- 2/3等等. 相信你睇到既就係呢啲顯示.
我覺得你無需太介懷一定要整走佢.因為佢唔會出現在最終相片上,另外亦冇必要下下就到佢變0先影,否則就失去M mode的意義,因為M mode就係要自己控制晒,就算好暗既環境都可以影到好光,好光既環境亦都可以影到好暗.