日本漆油售價和功能

立邦第二代超級五合一內牆乳膠漆
1. 超級耐擦洗

2. 防水功能

3. 覆蓋細微裂紋

4. 抗碱防霉

5. 氣味芬芳

6. 啞光漆膜，容易施工

7. 具備電腦調色，選擇更多


大約310~330元5公升


我用5合1日本漆做牆身天花未出現過發霉。


當然和ici一樣有金裝啦。

立邦淨味金裝五合一內牆乳膠漆

大多數裝修公司同你講油ici，並不是用金裝。系用多樂士配得麗乳膠漆。

當然有d公司系會用金裝既，但你要事前問清楚先。

如：是否用金裝油漆、調色是否要加錢。

其實兩種油價錢相差不算太大。（如果你需要買成幾十卡就另計）



其實油漆靚唔靚隻系其中一部份；灰底做得唔好都可能有機會出現甩灰、發黃等現象。
如：打灰無加光油/膠漿、批灰前無油光油或施拿、無鏟底直接批灰上漆等。

我家中兩種都有用，而且都係自己油，所以比較起黎公道的。

ICI 我用左幾廿年，易油的，色多的，但耐用性同防霉都不及日本漆。同係廳中相隣兩幅牆，我果隻 ICI Delux 深紫色街買唔到，去配色中心買，日本漆就樓下五金舖買，呢個情形下，當然係ICI 貴的。

價錢︰一般街買，兩種價錢差不多，好多地方，日本漆仲平的。
選擇︰ICI 顏色多，系列多，選擇比日本漆多
易用︰ICI 質地感覺上冇日本漆咁綿宻，油起上黎易油的
防霉︰ICI 發霉幾次，日本漆都冇問題過！
耐用︰廳房用日本漆果幾幅牆油左十年，光潔如新，ICI 五年已經走色
耐洗︰日本漆表面柔滑，污糟左多番擦洗都冇問題，ICI 唔得，冇咁滑，仲甩色！

比較之下，當然係日本漆勝出。

防卦,我老爺間屋咪係用日本漆油，但係前果排空氣咪係好潮濕嘅，佢成幅牆好似瀑有咁，流完一塊黃一塊原色，個天花仲慘列，係呢達黃，果達黃，實在太肉酸，聽網友講佢屋企以前潮濕係唔會滲水，但係有網友答佢，係因為漆油係防水，咁滲唔倒水入去，唔係啲灰及漆會勁甩，咁有水嘅用布抺喎．
但係一般揾人裝修都會同你講用ICI，我就上網睇過，冇人話用日本漆喎，因為我老公話日本漆平嘛，咁我老爺冇錢裝修，咪用日本漆咯，我諗百零二百罐倒啦．
我就用多樂士嘅，都係ICI嚟架，因為罐上面寫明係ICI DELUXE，我用果隻係金裝多樂士，係防霉，防變黃，防水，防裂紋，總之係乜都防啦，四百幾蚊罐，仲味計油天花隻白色油，百五尺，要用兩罐多樂士．
咁連埋批灰，批盪，油油，天花，補油，一百五十九尺，就五千蚊．
你都係諗清楚先好買，唔係油完好似我老爺間屋咁就冇眼睇．