西班牙文 ? 德文 ?

廢唔廢就見仁見智啦，講真，係香港，除左日文英文普通話比較多機會接觸，其他語言都冇乜用...香港係就係比較多法資、德資公司，但係"比較"咋喎，唔係真係"好多"喎~

如果你將來會去到南美個邊發展，咁宜家學西班牙文一d都唔廢，因為個邊好多人都係講西班牙文。
anyway, 邊個可以預知將來?點知你將來會接觸邊d人比較多呢?

其實學語言，興趣真係好緊要，法文德文西班牙文，係香港有幾可用到?如果平時根本冇機會用，咁興趣就會係推動你繼續學落去既動力，如果唔係根本堅持唔到落去。

如果你真係咁鍾意學西班牙文，你咪用返d數據去說服你家人囉~因為的確而言，西班牙文係世界第三大語言，全世界黎講用西班牙文既人一定多過講德文既人。而且係香港最近都興起西班牙文，如果要去搵課程或是教材，西班牙文都會比德文多同埋容易....之類吧~

希望幫到你~

西班牙文在美國已經差不多是第二語言。我在美國加州的洛杉磯同德州住過，隨處都是西班牙文的招牌，鄰居都是墨西哥裔講西班牙文的。現在最誇張是連大部分政府部門都有西班牙文的標示及文件資料等，其實從美國以南的所有國家即北美洲到南美洲都是西班牙文的天下，巴西除外。德文只有德國,奧地利, 瑞士三個國家是德語國家。

德國公司内部聽説都是講英文的。德國人的英文水平好高，所以如果在香港的話，一般會以英文作主要溝通語言，除非你做的職位是要聯絡德國總部吧，如果唔係，英文重要過德文。

德文其實比西班牙文難好多：第一 德文的plural是無跡可尋的，即每個字都要死記plural form係乜。西班牙文超易，同英文一樣加個s就得。其他更難的文法，你可以自己上網找來看。

樓上講得好岩，在香港最重要同主要的溝通語言係：中文，普通話，英文。日文只有在日資公司用到同有用。

總結：學西班牙文吧。既然你鍾意就學吧，反正係香港最常用的也不是德文法文日文韓文...都一樣無咩用。學門自己鍾意既語言，你enjoy就得喇。最有用的還是英文（全球範圍都是）。