急 維修家庭電器是否一定需要領取電牌呢????

如果該電器係有插囌可以掹出來既, 即係可以從電源插囌直接斷電分開出來, 唔帶電既電器就可以唔需要電牌, 如果係唔可以將該電器脫離電源比如一盞日光燈, 吊風扇之類既電器最好就要有電工牌技術人員來修理比較適合, 仲有就算有插囌但係帶電既電器如UPS, Generator等，係需要有有關等級既電工牌既技術人員來修理比較適合。

2010-05-04 06:29:05 補充：
回應 : oliver_915

係馬來西亞，根據電供法令修理電視機，冷氣機等，係有一張電牌可以付費申領既，只要你有對修理該電器既知識，或技術學院既證書，就可以申請，Electrical Repair Contractor

2010-05-04 07:56:00 補充：
喂！Oliver，原來我地係同門師兄弟來架喔，我1984年係哥林比亞無線電工程學院讀彩色電視工程科，當然裏面會有點電力理論，係馬來西亞電子科仲未可以歸納為電力工程科，如果你要做電子高壓裝置，比如電子籬笆等都係要申領電牌既，但係修理電視你可以用你既知識同埋你既學習證明來申領電器用具修理牌照，第一年只需100元，第二年以後每年50元，唔係話合法非法，係有牌冇牌，好似你冇牌喳車，冇人抓就冇犯法，當你有一日發生意外保險冇得賠你就知道咩事，我地馬來西亞有試過修理冷氣機爆炸死咗，保險公司話佢係冇牌修理冇得賠。

2010-05-07 19:44:31 補充：
哎呀，各位師兄，如果你地認爲修理電器用具唔需要領牌，咁樣你地就去做啦，唔怕一萬怕萬一，萬一你修理電器時或過後發生事故，燒咗人地間屋，損失唔大，就計十萬元吧，保險唔賠，你就要自己想辦法，如果你有牌你就會係開工前買咗保險，就算保險話賠80%，你只不過係負責20%，如果冇牌保險公司就唔受保，到時點呀？

2010-05-07 19:57:20 補充：
我有一個同行既伙記，認爲日日同老闆打工工錢少，老闆賺好多，就自己出來自己接修理電器既工做，當然工錢會高出幾倍，有一日修理分離式冷氣機時，由20幾尺高連人帶戶外壓縮機(3馬力)一齊掉落來，冷氣戶外機立刻報廢，人就斷咗4條排骨住係醫院半年，仲俾屋主起訴話要賠意外當晚既賓館費，第二日叫另一個承辦商安裝過一架新機既費用，家中仔細老婆嫩，搞到要同人借錢度日，你話你有想到嗎？

2010-05-07 20:04:04 補充：
當然如果你冇牌修理電器可以收費便宜啲，因爲你做既工程唔大，唔需要咁大既開銷，可以賺多啲錢，但係許冠傑話命裏有時縱需有，命裏無時莫強求。

2010-05-07 20:21:57 補充：
為咗呢個電牌我係30幾年前(1976年)同一個電力公司既人吵架，當時我十幾嵗唔識嘢，我話我地用電需要俾錢既，過咗電表就唔闗你既事，過後我就立刻發誓要考個電牌返來激死佢，到咗今日我已經係高電壓註冊電工不過佢仲未死(6~70嵗)，奈何？

2010-05-07 21:30:31 補充：
不過話時話，唔係有牌就大曬，唔係有牌就識曬所有電器，有牌一樣會死，人地冇牌不過係專業或專家，尤其係電子電器，就算你有C牌H牌你就係唔識修理，唔通你唔識修理人地就唔可以修理嗎？只要該電器能夠脫離電源唔帶電就邊個都可以修理啦(如果你唔怕死)，如果帶電電器如緊急照明系統，發電機，無間斷電源供應器UPS等等，最好要相關知識同等級既註冊電工就可以修理。

黃帝可以赦免你一死，
不過佢自己難逃一死。

題主十分搞笑，匿名發問卻在意見欄露出真身！題主你忽略了你的標題和意見欄的發問有一個十分明顯的共通點──不多不少，剛剛好四個問號的尾巴！

探員很多時也是根據犯罪者的慣性手法去追查誰是疑犯的，題主一定對犯罪學沒硏究了。
哈哈！你俾我捉到喇！而家人人都知道發問者係JoJo了，哈哈哈哈！問你仲匿去邊！



題主問的實際上是一條法律問題，所以理應站在法律角度去作答。

法律上並沒有「最好乜乜物物，乜乜物物比較適合」這些概念的，只有許可或不許可﹔甚麼情況之下許可、甚麼情況之下不許可，是YES OR NO的二分概念。

若在不許可的情況之下而去做就是觸犯了法律，反之，若法律沒明文規限的就是可以做。

法律明文規定，安裝、拆卸、移除、改動、移動電氣裝置/設備，必須持有有效電工牌照。何福良所提及的光管、天花燈及天花吊扇，由於一般都是直接接駁電源而且位置固定，所以屬於電氣裝置/設備範圍，該等電器性質傾向於樓宇基本電氣結構的一部份。

家庭電器例如雪櫃、洗衣機等，由於拔下插穌這個動作並不是移除電氣設備/裝置，插穌一旦拔掉了，該件家庭電器就更加不是電氣設備/裝置，而只是一件家居物品，既是家居物品，當然可以自由處理，你用菜刀挅它又得，用界刀把電線全界掉膠皮又得，用水淋又得，法律絕不能干涉，而插上插穌這個動作又不能說成是安裝電氣設備或裝置，否則無電工牌照就人人都不可以拔掉或插上家庭之中任何一件電器的插穌，例如HI FI、TV、風筒、電鬚刨其至打蛋機等，可想而知以律法管制維修家庭電器的難度。

而且要明確清晰界定何謂家庭電器亦十分困難，電腦是家庭電器嗎？為何是？為何不是？要有電工牌照才可以修理電腦嗎？電工師傅懂修理電腦嗎？電腦專家沒電工牌照為何可以修理電腦？驅蟲器是家庭電器嗎？為何是？為何不是？要有電工牌照才可以修理驅蟲器嗎？冷氣機是家庭電器嗎？為何是？為何不是？冷氣師傅沒有電工牌照，他不能修理冷氣機嗎？冷氣師傅不可以修理誰可以修理？

可以看出當中會有極大爭議性。

再討論另一個要點，若以有沒有電工牌照去界定可不可以合法修理家庭電器的話，將會帶出一個大錯特錯的訊息！這意味著電工師傅可以肆無忌憚而且是變相受法律鼓勵去胡亂修理比樓宇供電系統複雜得多，一般電工完全不懂的冷氣，雪櫃，洗衣機，電視機等，多麼危險啊！

由於根本無可能解決法律灰色地帶及矛盾的地方，所以維修家庭電器怎麼可能需要領取電牌或任何其他牌照呢????


你完全無須匿名，因為根本無任何人可以任何條文告你無牌修理家庭電器。


唔使驚，阿媽喺大廳！哈哈哈哈！

2010-05-04 07:22:50 補充：
何博士，我十四歲果陣喺哥林比亞無線電工程學校讀咗一年電專，再讀咗半年電視，未畢業就走人，因為追唔上課程，連電視機某部份線路點解會叫做微分電路積分電路都唔知，因為我都未學過微積分。

喺十五歲果年我喺冇任何牌照既情況之下同隔離屋成功整好咗架電視機，換咗入面一粒鐵殼晶體管，其實我根本都半桶水，未俾顯像管線路萬幾volt既高壓電電死算我好彩。

2010-05-04 07:23:06 補充：
我當時既情況以今日香港或者馬來西亞既法律嚟講，應該被界定為合法定非法？你話我冇牌所以非法？但係我的確有相關知識，我非但有無線電畢業證書，而且我當時仲係買咗一本電視線路圖集睇住線路圖嚟修理，普通人點會識睇電視線路圖？我識睇咁我即係有專業知識既技術人員啦，咁我到底應唔應該俾人告？唔應該？喂我冇牌喎！冇牌都可以修理咁要個牌嚟做咩？應該俾人告？喂我有專業知識喎！我知道果粒晶體管有問題而拆咗佢落嚟換，咁高難度既嘢唔係專業技術人員點會識？以香港嚟講，我既維修過程十萬個有電工牌既電工師傅都唔會有一個識做啦。以今日馬來西亞嚟講，我到底有冇犯法？如果有，我咁專業我犯咩法？何博士你可唔可以俾個似樣d既解釋俾我？

2010-05-07 06:48:27 補充：
何博士，保險有冇得賠同會唔會俾人告係完全唔同既兩件事，保險唔賠唔等於觸犯法律，冇觸犯法律亦唔等於保險會賠，而題主關注既明顯係法律問題而唔係保險問題。

唔係，不過要小心安全!!!

咁需要取咩電牌呢????

2010-05-03 15:15:20 補充：
咁如果係一間公司係咪即係要有電牌先可以上門維修電器呢???
如果沒有電牌算唔算犯法呀????
家器需要取咩電牌????

如果係自己喺屋企搞就冇人理你囉，最緊要注意安全，始終都係同電有關既；如果係要幫人整或者維修咁當然就要攞正牌啦，起碼對大家都有個保證嘛，你話係咪？

2010-05-03 15:21:23 補充：
就我所知應該需要去機電署攞一個叫做乜「電工B/C牌」啦， 全名好似叫作「B / C 級註冊電業工程人員牌照」，如果你想知多D呢方面既野，可到以下網址去了解多D：
http://hk.88db.com/hk/Knowledge/Knowledge_Detail.page?kid=21583

2010-05-03 15:24:25 補充：
如果係一間公司梗係更加要有電牌先可以上門去幫人維修電器既，如果沒有電牌肯定係犯法既行為，隨時攞唔到錢仲要俾人告。