想入會計行業

既然你唔想入Big4, 我只好講Big4以外的會計師行. 如果你想去2nd tier做, 無LCCI其實唔係問題, 但workload不比Big4輕, 例如有d係要去大陸偏遠地區工作.
因為細會計師樓會做埋Accounting工作, 有D細會計師樓會要求學生有LCCI, 或者面試時見你有LCCI 3rd level時會有bonus. 始終accounting會比較講究double entry概念, 但讀大學會計就唔係, 細會計師樓做accounting亦經常要做double entry. 如果無LCCI證書會難搵D.
其實你有無諗過你考完牌儲夠三年經驗後條路點走? 如果你考完牌後打算去大公司做番類似Audit的職位, 有Big4經驗係比較多工去搵, 例如你可以去JobsDB睇下太古請auditor, 佢地要求有三年Big4或者MNC經驗, 我亦見過有D工係寫明Big4 only. 雖然你話怕辛苦唔做Big4, 但Big4有多D選擇的確係事實. 如果你堅決要求Balance of life的話, 我亦唔可以強求你入Big4, 但你要有個心理準備係2nd-tier甚至local CPA請人數目比起Big4真係少好多. 而且會計唔係好容易就賺大錢行業, 如果你想賺大錢就要三思.

老實講
早年big4裁員唔知大家知唔知
而家通街都係前big4僱員
無論係低定高都多到你無能力去爭
你嘅三年工作經驗, 響大部份老細眼中, 唔及big4年幾兩年經驗
會計相關工作
由低做起
若果唔講會計師樓, 只講一般公司會計文員
人工唔會高之餘(七千以下, 高過七千就要有會計相關經驗), 做嘅野就係bookkeeping, 即係Anchel所講嘅double entry
做番兩三年就可能有機會做吓其他野, 或者轉工

2010-05-10 16:36:51 補充：
又老實講
響公司做會計文員只做bookkeeping
學到嘅野係非常有限, 少過你讀書學到嘅野好多, PRACTICAL經驗就會只係識你公司個會計軟件嘅account code, 因為入數入到熟晒~~

2010-05-10 16:36:55 補充：
所以兩位回答者都係講會計師樓, 因為要學到野, 入會計師樓係必然之選
不過而家無論big4定2nd tier甚至係小型firm (員工below20個), 都辛苦過以前好多, big4 audit fee 減左, 人裁左(仲要係manager以上) 又無請番好多, 底層人員一大堆 (剛畢業), 2nd tier都唔好得好多, 接晒big4唔要嘅爛job, 一樣做死, 細firm可能好d, 但係人工當然係分分鐘得big4或者2nd-tier嘅一半或者三分二, 所以好睇你到底轉行嘅目的係咩.......
同意上面所提意見, 唔係讀書材料唔好選擇會計行業, 唔捱得更加唔好選擇

忠告:
不是讀書的好材料, 最好不要選擇會計行業。

首先有兩個問題你自己要清楚的:1. 點解你想入會計行業?為高人工?為工作前景?為業發個人事業?要工作環境舒服? 2.會計行業不論international big 4定係local firm都係需要長時間工作!.
1.要發展個人事業,就非要入big 4不可,因為要轉職到其它工作或職位,大多要求你有big 4的工作經驗.除非你只想在中小企工作.
2. 要人工高,你可以忍受local firm那份低薪(你要工作經驗有求於人,人工自然唔會高)又長工時(10-12小時一日是等閒事)的工作環境嗎?而且工作壓力都唔會比big 4少好多,而且會要求你周身刀張張都利.
3.隨著中國多了會計人員應考國際會計師公會試,他們的國際會計知識不會比你差,但人工會比你少很多,很多大行都引入平價外勞,幾年後那班國內人員有埋國際會計準則的工作經驗後,還有需要這麼多本地的員嗎?即使做國內的核數,只要前香港派一至兩個人去睇住國內的人員工作就可以了.本地的人力需求會慢慢減少.
4. 要人工高,就要有兩個必備的條件,1.有多年大會計師行的工作經驗; 2. 有專業資格.

要搵會計師行的工作不必一定有會計知識,但最好有.因local行未必有人及時間可以慢慢從頭教你.那你工作上可能會在適應上比較辛苦,適應時間會長.