Wii問題~求求~謝謝!!

1.我想問有冇需要改機?
如果您屋企部Wii係日本／台灣／香港版主機，梗係唔洗改機。但如果您屋企部Wii係美國／歐洲／澳洲／韓國版主機 ，就一定要改左機先有得玩，但係玩之前一定要先用一隻美版／歐版／澳版／韓版既遊戲光碟（視乎您部Wii既地區版本），又或者喺Wii上網更新至最新既4.2版本 ，先好放您隻碟入去玩。因為就算改左機，都一定要跟番部機既地區去更新。例如日版機要用日版遊戲碟更新。否則，輕則變半磚（未能入系統設定，尚有得救）﹑重則變全磚（完全玩唔到，可以買新機啦）。


2.買Wii 系d千色,一田......買好定普通賣遊戲機鋪頭買??
一般去吉之島﹑UNY等日資百貨公司既玩具部就一定有得買，而且一般會放喺當眼處，但一般情況下喺以公價發售冇得平。至於普通賣遊戲機既店舖，一定喺賣得平過百貨公司，但要小心，有d舖頭會將韓版Wii當成日版／美版Wii發售，日後更新上會好麻煩。


3.有咩好介紹?(買的配件)
任何國家版本既Wii行貨都係一樣，隨機送搖控器（x1）﹑雙節棍（x1）同動感強化器（x1，只限台版／港版主機）。而家因為您係玩Wii Fit Plus，就可以唔洗再另外買。如果您係想玩雙打或者團體賽，就建議您每樣都買多1-3個（睇您有冇咁多錢）。如果您唔想玩Wii Sport Resort，就可以唔洗買動感強化器啦。

(買的game)
如果您係新玩家，建議您玩《Wii Sports／Wii Sports Resort》﹑《舞動壞利歐》﹑《賤兔2》《New Mario Brothers Wii》等型遊戲，一般係唔洗點睇字，只要跟著指示做就得。

(買的地方)
如第2題所講，可以到香港任何一間日資百貨去買（地址可往任天堂香港主頁 (店舖一覽) 查詢）。另外，您可到深水埗黃金商場或黃埔108商場等地買都可以。




4.大概幾錢??(最fit組合,成套)
Wii香港組合套裝為$1799，如果您有買Wii，淨係想買Wii Fit Plus嗰pack野，為$799。如果您有買塊平衡器，淨係想買隻碟，為$179。


Wii基本工具一覽表

*Wii原廠搖控器 -- $299
Wii雙節棍 -- $139
Wii動感強化器 -- $129
（以上價錢全為公價，一些小型店舖可能會賣得平D）
（仲有好多Wii工具未列，視乎您隻遊戲碟既需要）

*喺市面有好多仿Wii既搖控器發售，雖然佢地可以感應到Wii主機，而且仲幾平下，但有時玩玩下都會有感應唔到主機既問題出現，而且保養上...（自己考慮下啦）



5.d遊戲在哪裹downknow?down完要點?放系USB,光碟,SD card??
遊戲您可以喺一些討論區﹑分享網站下載（由於網上下載遊戲為非法行為，恕本人只能夠咁樣答覆您 ）。一般為壓縮檔案，下載完後請先解壓縮，然後將所以檔案直接將燒落隻碟度﹑或者放入SIZE一般大細既SD卡度（容量最好大過1G ）。

希望以上資料有助於您，如果再有問題，可以再來問。


2010-05-02 15:03:20 補充：
補充第5條問題:
如果您屋企有wifi既話，可以上Wii既Wii Shop下載遊戲，但如果您部Wii係改過機既話就要小心點。因為Wii Shop係會check到您部機有冇進行非法性改裝，一旦check到，以後會有上唔到網既可能性。

2010-05-02 15:08:29 補充：
補充第5條問題:
喺Wii Shop下載完既game喺會自動放入首頁度既，只可以用SD card儲存記錄。

1.點解要改，你買正版定老翻﹖
2.係玩具反x城買，你上網睇到價錢
3.你想買wiifitplus嗎，你要買一塊平衡板同埋主機，主機連一個手掣，你或者要買多兩三個手掣夠四人玩
4.你可以上網睇
5.遊戲係好多地方都有得買，以game舗最多，亦有二手貨，留意版本問題，有可能要更新主機軟體，好多時更新都會出事，問清楚店員先買