點樣去東何文田配水庫遊樂場2號場?急知

由炮台山出發去東何文田配水庫遊樂場有兩種方法
方法一(一程車, 不過要行8-10分鐘, 大部份斜路)
搭九巴/新巴116 鰂魚涌 - 慈雲山(中) 車費成人$9.3
上車地點: 英皇道238號康澤花園外(即炮台山港鐡站巴士站)
落車地點: 紅磡山谷道巴士站(即過咗紅隧到九龍後第2個站落)
落車後先行去車尾方向上行天橋樓梯, 跟住唔係過馬路, 係行穿一個休憇處後沿馬路上斜路, 行到交通燈十字路口先過對面馬路後轉左繼續斜上, 行到差不多到平路, 右手邊會見到樓梯, 行上去就係何文田配水庫遊樂場足球場。
方法二(兩程車, 可以去到何文田配水庫遊樂場正門對面馬路落車)
第一程搭港鐵由炮台山站 至 旺角站 (金鐘站轉車) 車費成人八達通$9.5,
到旺角站後用B2出口, 到地面直行過一條馬路, 再行多少少(即快富街) 轉搭綠Van 27M輔助線 旺角站 – 何文田南邨 車費每位$3.8 , 到總站落車, 落車位對面馬路就係何文田配水庫遊樂場足球場。
第一程可以改搭九巴/城巴116筲箕灣– 美孚 車費成人$9.3, 上車地點同116一樣, 落車地點旺角山東街巴士站, 落車後向車頭方向直行, 見旺角港鐡站入口行落去, 之後經B2出口轉車。