賣方要求延期交吉

可以加附加條件，但如果我係業主，就不賣比你。因附加條件對另一方很不公平及無理！

若果bank唔批mortgage,是不可冇條件取消成交，的確会殺訂，我係業主刀唔知幾恨殺訂，多左錢洗喎！點會比你加附加條件！

a)可以提早，只是不可延期！

b)業主延期交樓，是可以唔成交！

c)如果我地接收佢延期交樓, 不可以叫他作出賠償 ，但因延期而取消交易，就可以！

d:agent冇欺騙成分，因附加條件另一方不利，而且不是規定的條款，業主会失去保障，業主因保障自已利益，通常不答應，就不成交，我當年刀答應過附加條件，比買方搞到一鍋粥，簽約后刀話要減價，否則要退訂！搞到我在換樓時冇錢比人，好彩在外国的家人匯款回來，才右事！

a: 提早收樓係可以，只視乎與業主方面達到共識便可。

b: 業主延期交樓都可以，同上，只視乎與買方達到共識便可。但當你唔同意既情況下，業主依然延期交樓，你絕對有權因為業主方面無履行合約上既條文而作出終止交易，最後你就可以殺佢訂之餘你又不用買下此物業。
(通常業主方面律師樓會提出合約條文有唔清晰而延遲收樓，所以你律師樓方面既合約完全無問題既話基本上就一定硬夾到業主交樓or撻訂。)

c: 你地接受佢延期交樓的話，可以提出賠償條件，同樣視乎最後大家既共識。

d: agent專業操守方面已經好有問題，(1) 佢唔係做banker (2) 佢唔清楚你既收入&信貸評級 係唔可能同你講一定做到mortgage.....另外，任何附加條件只要雙方達到共識後以清醒既狀態下簽名作實，基本上咩條件都可以寫。


最後希望你下一次會預到個好d既agent, 我作為一個agent見到你既問題都覺得你好可憐.......good luck !!!

可以咁講ge, 先說, 如果俾左暫時買賣, 未落大訂, 如果賣家要求延期交樓, 理論上可以叫賣家陪撻訂, 即訂金的一倍。之後就取消成交。
如果俾左大訂, 應該就唔可以咁, 因為我之前都問過, 細訂係必可以撻訂, 我問過律師如果俾左大訂, 就變左 "必買必賣合約", 即就係借唔到mortgage, 死都要死到樓價去買, 如果唔係賣家有權先沒收首期, 日後賣家賣樓, 如果賣的價比現在同你傾的價低, 佢有權追番差價。
例如, 層樓100 萬, 30 萬首期俾左之後, 你發現你借唔到錢, 賣家有權先收左你30 萬 (唔記得好似係咪要撻訂, 即另外又要三十萬), 之後如果賣家傻左將層樓10萬賣出去, 你還要補番100 - 30 - 10 即 60萬的差價。

另外, 其實個個agent 都係咁講, 話你實借到, 銀行呢, 個個都話你可以借到, 但係到你俾左大訂之後就可能 offer 會完全唔同了（因為到時變了你等錢用）, 視乎個環境佢地係咪等做你生意。

在這事上, agent 無騙你, 因為附加條件唔係人人都做到, 其實係特別要求。多數賣家都唔會肯, 因為借唔到mortgage 就無條件走人, 即係輸打win 要, 除非係你自己朋友, 如果唔係三唔識七, 人地無理由出條件保障你, 就算你出左條件, 多數人地都唔會跟。人地都係賣樓想賺錢, 無理由接你這個offer

所以咁講, 借到錢, 恭喜你先, 如果覺得自己買貴左都無法, 無人知道將來會點, 還明日樓價升到傻左, 你又迫業主一定要這個價賣俾你呢, 所以無得講, 買樓係一個投資, 買左就無得後悔, 同買股票一樣, 無得話買貴左可唔可以遲0的先

我當年都係見到咁, 咪即係唔買囉, 你給了訂, 便要求成交吧, 如果佢延期, 要佢陪錢, 一係就交吉