有人懂得畫漫畫嗎?
2010-05-01 4:24 am
雖然我從沒有參加過任何繪畫班(不是我不想參加,而是與許多外來因素有關,因此每次學校的美術堂我都會份外投入)因為看的漫畫多,所以即使我沒甚麼美術細胞,經過我幾年時間的觀察和努力,只要我有心情,畫出來的風景畫或人物畫也挺好的,不過也只限於用鉛筆,可能因為沒有任何人教我吧!不過我最主要是想畫分鏡,我知道了他的原理,但到我真正要畫的時候就不知從何入手了,人家常說想畫漫畫就要從四格漫畫畫起,但我就連要如何下筆也不知道,我身邊的人沒一個懂得畫畫的,記得有一次學校要我們畫一個以成話為主提的四格漫畫,和我組隊的人居然把畫四格漫畫的分鏡交給我,天啊~這是不可能的任務,讓我想了整整了兩晚才想一個似樣點的分鏡,我也試過去大陸的鳳凰書城買一些相關的書籍但一點效用也沒有,我巳有很長的一段時間感到很無助,有人可以告訴我解決的辦法嗎?即使沒有又有誰可以教我畫分鏡的一些下筆技巧(最好舉一些事例)和一些畫畫心得嗎?
回答 (4)
2010-05-01 9:38 pm
✔ 最佳答案
畫漫畫同普通畫公仔唔同你要做既唔係只係畫公仔
而係畫「故仔」
所以如果你唔知自己要畫咩
自然係畫唔到漫畫
畫四格又好漫畫又好
要做既第一步係諗橋
跟住係處理分鏡同對白
可以咁講畫漫畫好唔好睇係同畫風無關
依個就係有人畫公仔好靚但畫漫畫唔好睇
相反有人畫公仔唔靚但係畫漫畫好睇
就係咁既原因
事實上我亦唔相信單純上漫畫班
就可以令一個人變成漫畫家
比起只係畫一個公仔既硬照
真係去畫一篇漫畫需要個人琢磨既地方比較多
亦都唔係咁易有人教到你
漫畫不限於一格格既
報紙上面得一格既政治漫畫都係漫畫
因為佢唔係只係公仔
而係有要表現既野表現到出黎
基本四格最重要係搞清楚起承轉合
所以如果你要畫既係成語既四格漫畫
第一件事要知既係成語背後既故仔係點
將故事簡化大致分好起承轉合四部份
分別將內容塞入四格入面就係四格既基礎
個人會建議你不妨去一轉圖書館
搵下比細路睇既成語漫畫係點畫法既
或者係睇老夫子加菲貓之類係點樣將故事流程分入格仔入面
把握到格與格之間既轉換時機係令篇漫畫好睇既重點
就咁講分鏡有咩技巧有d難
如果有需要既你可以講講你要畫既成語係咩
先比較易比意見你
市面上教漫畫分鏡既書唔係太多
有都多數係高階者即係有一定漫畫跟底既人參考
而且多數係集中於非四格既教學
所以d書你可以放埋一邊先都得
到你有想畫既故仔畫左一定時間既漫畫
想再進一步既時候睇番就ok
參考: emm動漫畫研究社係中大屬會……雖然對動畫漫推廣不遺餘力，但係就絕對唔係教漫畫既組織……另外係貼都唔好貼第6屆咁耐歷史既link吖
2010-05-05 2:36 am
2010-05-02 10:41 pm
2010-05-01 4:57 am
收錄日期: 2021-04-13 18:37:03
原文連結 [永久失效]:
https://hk.answers.yahoo.com/question/index?qid=20100430000051KK01341