店舖盜竊最高刑罰係咩?

首先, 你話 “案主11~16歲”, 係唔係即係有多過一個人犯案? 一個人11歲就11歲, 16歲就16歲, 無可能11~16歲噃!

細路仔店舖盜竊, 唔會判坐監嘅. 樓上位師兄言重啦!

我假設係有一班11~16歲嘅人犯案一齊犯案, 即係羣體行動, 有同黨.
如果偷嘅嘢唔係好值錢 (例如7仔偷嘢), 咁15歲或以上果幾個會上兒童法庭. 因為法庭會認為佢帶壞 d細嘅, 所以要負重d責任. 如果係第一次犯, 會判感化. 兒童法庭法官亦有權力 / 可能下令不留案底, 唔會影響將來搵工.
但如果偷嘅嘢唔係好值錢 (例如電話鋪偷手機), 或者唔係第一次犯, 可能會判兒童院. 亦有可能留案底, 會影響將來搵工. 因為案底係一世嘅, 唔會取消嘅.
15歲以下果幾個會警司警戒, 即係唔使上法庭. 俾警司鬧幾句, 咁佢父母嚟接佢, 之後守吓行為. 唔會影響將來搵工.

如果只係一個人犯案, 無同黨, 又係第一次犯, 而偷嘅嘢唔係好值錢, 咁就只會警司警戒.