有發育問題,應去看那科醫生?

你好!

首先,想問返你,可否再補充多少少資料?例如
1) 你所指嘅”外表看上去”,係咩外表呢?身高?樣貌?生殖器官?身型?體重?
2) 幾時開始,覺得自己有問題想去求醫?
3) 有咩point令你覺得,自己外表與常人有異?並且憑咩認為係發育上出現問題?

唔清楚你因咩問題而攪到話要睇醫生咁嚴重,係咪因為此外表好影響到你日常生活?有幾影響?姑勿論咩原因,你要明白就算真係發育問題,依家都冇得補救吧!尤其身高,要知道一個人過左20yrs,聲音同身高係唔會有得再變,除非整容啦!

Also,我就認為,若樣貌好細個的話,其實仲好啦,仲有著數啦!你睇下郭晉安,就算比個20yrs嘅女主角佢演情侶,都唔會覺得奇怪!諗嚟諗去都諗唔到有咩壞處,但好處就多籮籮!

Anyways,我覺得,若你真的為此而困擾,覺得我一家唔知一家事,唔知你有幾煩惱的話!認為真係有須要睇醫生,我會建議你搵心理科囉!
唔係寸你!講真架!因為,都講過啦!你都廿幾喇!發育都已定型,就算再有發展空間,但都不大!與其冇辦法改變,倒不如早早接受,喺心理上找個平衡點仲好啦!

或者你可試試搵家庭醫生(即由細到大,有咩傷風感冒都會睇佢嗰啲診所醫生呢)!同佢講返個情況,睇下佢有咩建議比你,若然佢話你一切生理功能都正常,冇問題吖!咁就算吧!

再唔係嘅話,或許你可試試從打扮或著衫方面著手囉!例如生得矮,咪唔好著啲版仔衫囉!個樣細個,咪試試換個髮型,睇下會否睇落覺得你成熟啲!若樣貌年齡比實際年齡細嘅,假設你25yrs,而睇落只得20yrs,咁你千萬唔好著啲25yrs嘅衫,否則會比人覺得你扮大人,到30yrs就著25yrs嘅衫,35yrs就著30yrs嘅衫,如此類推!

Sorry啊!以你所提供嘅資料,暫時只幫到你咁多!若有咩問題,你覺得唔方便公開講,你可send電郵比我架!我會盡我能力去幫你!
[email protected]

Winnie Lee

可發電郵問問伍醫師，或可幫到你。

http://www.drjacksonng.hk/page7.html
參考資料

http://hk.search.yahoo.com/_search/kp?p=drjacksonng&ei=UTF-8&fr=FP-tab-web-t