✔ 最佳答案
看到你的發問,令我感到好開心....
因為你令我知道,時下的年青人還是有不少熱血青年,會有這麼偉大嘅想法....
我雖然巳經係一個老鬼....但我對無國界醫生,同嘉道理先生,何東先生,邵六叔,劉得華先生,蓋茨先生,李喜誠先生,李連杰先生,曾志偉先生....等等之類的善心人,敬如神之.
其實呢,就我個人覺得,人只要用正當嘅方法得來能幫助人的條件或能力,而又真心咁去幫助有雖要嘅人,都係好偉大嘅.
好啦..言歸正傳....
首先,我先要說明....平凡或出人頭地,同快唔快樂係無一個必定嘅關係.
無論你係想做一個平凡人定出人頭地嘅人,都唔一定會快樂.
而快唔快樂只視乎你接唔接受到你所做嘅事,所擁有嘅物質或心靈上嘅感受.
如果你問我,做人應該要用什麼態度?想出人頭地定只求平凡嘅生活就可以?
我會答你:先努力地去搵到足夠嘅條件,當有能力時再隨當時嘅想法去做.
舉例說:還不是一個醫生,就無條件成為無國界醫生.
但當你巳經係一個事業有成嘅醫生,你就有能力做一個無國界醫生,或者係一個會捐款幫助有雖要嘅人的醫生,又或者做一個年輕而又享受退休生活嘅前醫生.
年輕人,我可能有點詞不達意,但亦希望你明白....
因現在你無任何負擔同綑綁,就努力去搵你嘅謀生本錢吧.
無謂浪費左呢個黃金時期,直到某一日先發覺,原來要完成你喜歡嘅生活方式時,你因為沒本錢又無本事,只得望塵莫及.
2010-05-02 17:34:56 補充:
002的大大說得對....
我曾在電台中(1872游花園)聽到一個故事.
事件的主人,巳中年,年少時中得一大筆彩金..佢而家雖仍不愁生活,但心靈極不快樂.
佢感到自己好廢,總找不到工作,又總學不到自己想喜歡的事,像飛機牌,什麼學位之類.
原因是:運輸公司的老闆一睇到佢住富豪區就唔請佢.
牌照學位嘅課程都有最低程度要求,而佢只小學程度,沒機會學.
所以..我衷心希望大家不論想如何活下去,都先在年少時努力一吓.
要知道....學歷只會在35前對找工作有幫助.35歲後別人要求的巳是工作經驗了.
就算是想去參加某些為人服務嘅社團,如在語文上不努力一點,國際性團體,會因溝通問題而不能接受你.
謝謝002大大的意見.