相機 一步到位

現今科技去得好快,買相機係沒有一步到位的.三年前的一步到位,今天已經又變了落後機種.
除此之外,亦係冇一步買齊的.經常都見到有人問仲要買啲乜先夠用.呢個問題又係冇答案的.可以係仲有好多嘢買,又可以係乜都唔駛買.人唔可以太貪心,諗住買定啲架生喺度我就乜都影到.除非你好有錢,否則到最後可能都係放多過用.就例如快門線咁,你其實可以用延遲快門都做到接近目的,買咗你都未必有心機次次攞去用.
信不信由你,我就見過好多人(唔係一個),支閃燈係買來擺的.用咗一兩次就覺得麻煩,難用於是就索性唔用.就算用都用內閃就算數.
我會建議你仲未知自己想影乜之前,買最基本既就可以,因為基本既器材比較平.就算轉手都唔會蝕太多,咪當交下學費囉.到你有一定認識,自然會知道自己需要甚麼.好過花費巨額金錢買一堆原來你冇興趣用或根本唔識用既器材.
就假設買550D套裝,之後升級機身,除非係全片幅機身,否則鏡頭,閃燈呢啲比較貴既配件其實係用得翻的,不用太擔心,就算真係升幅全片幅,也不過是一兩支鏡頭要換吧.
其實最值得升級既係你既技術,大部份初接觸攝影既人都將買甚麼機既比重放得太大.但買咗之後就冇乜點鑽研技術,一定要大日子先攞部機出來影.可惜沒有技術的支援十之八九就係影得唔好,跟住就諗升級器材.但其實這是沒有作用的,尤其你跟本唔知現有器材有甚麼不足,只係知道唔靚,咁換咗高級器材就可以靚既機會實在係好細.