鐘意左個人,但好想收手,想退出

一個月前,我係fb識左個女仔,佢而家係f7,我係f5,我地差一歲,一開始冇計傾,但慢慢慢慢就有計傾,仲係上星期一齊去街街,我地去左睇戲,係兩個人去,不過住既地相隔幾遠下....果日我幾開心,未試過單獨約女仔去街

我諗我係鐘意左人,但我係唔應該鐘意佢,佢係唔會鐘意我呢d男仔(我自己諗..好多大機會係唔會鐘意我)
佢f7,我f5,我今年會考成績都唔會好得去邊,甚至可能連5科合格都冇,而且我唔係有錢仔,佢又生得高過我小小咁啦,我覺得自己襯唔起佢,呢幾日我都克制左自己,冇再add佢傾計,亦都冇回應到佢係fb既動態,但我有留意不過冇表態,我知道只要我唔主動同人傾計,佢係唔會主動咁搵我,我打算就咁結束,連計都唔傾,好希望可以忘記佢
但係我成日都總係好留意住佢,msn見到佢on我就會on,我仍然忍住唔add,係fb見到有新留言,我都忍住唔去關注或者回應

以往我都有相同經驗,經驗話左俾我知,千奇唔好愛上f7既女仔(我都有鐘意過同班既女仔,一樣關係變差,原因出自我本身,係我刻意令關係變差,但自己就難受),果陣好唔好彩愛上左,之後我冇再搵人傾計,關係冷淡,最後仲變番陌生人咁

其實我未拍過拖架,由小學到中五都係,雖然經常想認識一位女朋友,但自知冇能力俾到幸福人,所以一直都唔敢追女仔同向人表白,而家做人已經變到一d目標都冇,生存在世更加係冇咩意義..
成日都覺得孤單寂寞,呢種孤單寂寞係因為單身而唔係冇朋友,其實我有好多朋友,不過成日見到d fd都係一雙一對,好幸福,令我好羨慕,所以我通常都係屋企過日子,唔想見到

而家好唔知點,咩心機都冇哂

如果叫我識個第二個,我諗好難,我係好難先遇到鐘意既人,但通常遇到都知道唔會擁有,好奇怪,遇到一個新既意中人,就會同舊既意中人關係變到好好,仲會經常一齊食飯,一齊玩,但冇左果種鐘意既感覺

另外我亦有種想法,呢種諗法源自我家庭、成長經歷,我想然唔拍拖,不如呢一世都單身咁過,反正都已經習慣左一個身,只係有時見到人地拍拖,我冇左果種幸福感覺....同埋好多時都好唔開心