咩嘢叫做「短度闊封」？

咩嘢叫做「短度闊封」？
「度」係指「長度」，「封」係指「寬度」(「封」其實係「封度」嘅縮寫，係一個紡織業用嘅術語，多係指布疋嘅寬度，至於「度」係咪喱類術語，我唔知正確係咪，我估應該係啩)。
我自己估嘅，「短度闊封」原本係指啲碼數 (即係布疋嘅長度) 好短，但係封度 (即係寬度) 好闊嘅有疋 (再強調一次，喱段說話，係我自己估嘅)。
因為咁，「短度闊封」就被引申用嚟形容一啲短短闊闊，同埋扁扁闊闊嘅嘢。舉一個例子，「短度闊封」係「東莞臘腸」嘅歇後語，而喱種臘腸正正就係比其他臘腸嚟得短得多，但係粗大得多，好似一個橢圓形嘅小肉球咁。


**我係睇咗網上面啲資料後，就綜合成上面嗰說話，希望能夠幫倒題主**

**如果題主覺得我嘅回答啱用嘅話，請我佢做最佳回答，唔該晒！**

2010-04-29 15:55:02 補充：
噢，睇返002嘅回答，原來「短度闊封」係原本引申嚟形容個子又矮又橫，真係茅塞頓開。

2010-04-30 16:15:50 補充：
多謝題主揀我嘅回答。

「短度闊封」係形容個子又矮又橫嘅身材，鄧小平嘅身材就經常被形容為「短度闊封」，「短度闊封」原是做裁縫行業嘅術語。