更換鋼閘問題,價錢及商舖

你可以做番趟門,要入傢俱先至將門盡開.

鎖膽要用單膽,呢D野師傅會識.

做到呢2個要求已經岩規格.

鋼同鐵黎講,應該係鐵閘穩陣D,因為2千蚊既鋼閘,只會用202料,頂多得0.8mm厚,裡面夾其他板料,可以用輕飄飄黎形容,相反鐵較鋼平,冇必要去做包鐵呢個工序.

鎖呢方面,裝2把垃圾鎖,不如裝一把好野,不過呢個世界係咩攪笑野都有,我見過有人裝左一把超級勁鎖,卻竟然係可以唔使爆鎖就可以用其他方法開左.

其實你住8樓,好小會爆到咁高,因為行上去都幾辛苦,另外果400蚊,係我就唔會比,最多咪自己搬,係咪先?同埋呢,你唔使再搵好D既公司喇,2千幾蚊唔夠做架.



2010-04-27 00:24:03 補充：
鋼既級數有分別,2千幾蚊一套閘已經係最cheap,只可以做到202料,去多級做到304,已經過3500,咁你比2千幾蚊都覺得貴,已經冇咩選擇可言.

鎖呢樣野,由幾廿蚊至過萬或更貴都有,一般都係提供十字匙既鎖,呢類鎖又係有裝=冇裝,最簡單既測試,就係你搵個真係識開鎖既師傅問下價,睇下開呢把鎖要幾錢,正常係收你150至200,咁你應該諗到把鎖可以有幾堅.

把鎖最好用番電腦匙鎖膽果類,就算係大陸鎖都唔緊要,因為可以換番個好d既膽.

2010-04-27 00:30:48 補充：
你講既黑店,黑既形式有好多種,例如有d公司可以大約一千蚊幫你做到,因為佢地係用舊閘,舊唔緊要,最緊要尺寸岩,不過機會有幾大呢?唯有夾硬裝,就算冇比人撬開,鎖舌都好容易走位攪到自己開唔到門.

你想穩陣d,就唔好出旺角,反而去大角咀果邊搵,通常幾條街先得果一間,間野又專係做閘既,都唔會差得去邊,因為咁都可以生存幾廿年既老店,一定係靠實力.