想問HP 2410用邊隻代用墨盒,又邊度買最平?

1.HP跟機墨盒比普通墨盒容量低一半或以上，所以正常。(留意下墨盒上的英文，跟機墨盒有註明)
2.HP 60 係個墨盒型號(墨盒上的數字60便是墨盒型號)
3.視乎代用的質素(較參差)，如果係著名代用品牌的就同原裝差唔多。一般都係代用較平，但有時YAHOO拍賣的原裝墨盒同代用墨盒差唔多價格，你可以嘗試自行加墨(印量多嘅話)，否則買原裝較好。
4.YAHOO 拍賣內大部分(註明原裝及有原裝盒的例外)都係代用墨，留意「 環保再造」就係代用，但代用墨只係原裝墨用完後回收加墨再出售的(因HP 60及多種型號的墨盒都係連墨頭，其他供應商無法仿造) ，質素同衛生程度都無保證。
5. 代用價格一般都係HK$60-100/1個，如果你想買平D的原裝墨(留意買原裝墨一定要有防碼標貼同原裝紙盒，hp官網話明無盒就係偽冒的)，可以到YAHOO拍賣的婷之小店(我唔係店主，只係買家)，到佢賣墨盒的拍賣問佢有冇HP 60黑色/彩色或HP 60XL 黑色/彩色(你部printer應該 HP Deskjet F24100 多合一系列)。你想自已加墨的話就去YAHOO拍賣打Mipo來找墨水自行加墨(最平係自已加，代用的話只平最多一半)。
ps:HP 機的墨盒比canon/epson都要貴，如果你印量較多的話建議買獨立墨盒 (三隻彩色都係分開)。HP printer平但跟機墨盒比普通墨盒容量低一半或以上，原裝墨盒隨新機種同印量比舊機種更少，不建議你再購hp。較貴(HK$1000-1400)的hp 機採用獨立墨盒，容易加墨及省錢，canon及epson 的墨盒較平，不過我覺得canon較好(我因hp 舊機種，用hp 56/57墨盒，係婷之小店買省左百幾元(比市面上買原裝墨) ，印量亦較新機種多)

提醒你:不是經常開/關機(建議偶然印幾張都唔好關機)，因為每一次開機都會印1張測試頁，浪費墨水(除非你個墨盒塞墨頭需要通墨頭)，如果你開機建議你一等部機入紙先按取消掣以節省紙張及墨水。

希望可以幫到你!