計劃生BB,但一直都未有,應該搵咩醫生好?

你試左2年都未能成功, 就應該要去睇不育科了~

家計會冇乜用, 晒錢又晒時間, 直接去搵一個婦產科醫生, 話比佢聽你地2年冇避孕都未有BB, 請佢寫紙比你去排政府的不育科(瑪麗, 廣華, 威爾斯 3間)

但由於排政府, 第一次見都要起碼最少一年後, 所以呢段時間你可以先去找不育科私家醫生作檢查及治療!

基本的檢查, 先生要驗精, 會驗數量及形態, 這些都會影響受孕機會
而你就要驗輸卵管, 看看通不通, 再驗血, 看看FSH及LH值(此2樣是測試你的身體會否早衰, 因為有些婦女因為基因問題, 很早就會有卵巢早衰的問題, 而生理年齡是沒法回頭的, 即使有辦法, 也很有限, 所以早一點檢查知道有什麼問題, 才能決定如何治療)

我而家睇緊勞澤長醫生, 亦係佢幫我成功左~ 我原本都有不育問題的, 自婚後冇避孕已經試左4年半, IUI(人工受孕)都做了3次, 直到今次由勞醫生幫手, 做第4次IUI才成功! (之前是另一位醫生)
你可以上網找他的資料, 在這似乎不便直接給你電話~

至於之後的治療, 就要看你們是有什麼問題才能決定囉~

不過一句忠告, 女人的生理年齡, 是不會回頭的, 所以, 趁還年輕, 就去檢查看看吧!
(我今年都未夠30, 25歲剛結婚時, 以為有BB是天下間最容易的事, 點知我會沉在其中, 幾年也不能解脫! 這幾年身心的辛苦, 痛苦, 真的很折磨, 現在回望, 我希望當初早就有人指點我, 就不會走了那麼遠的路了.....)

你地結婚之前冇做婚前檢查?!
其實你可以去家計會做檢查先,又有講肋講解不育成因同治療方法!

香港家庭計劃指導會自1956年開始，已設有「生育指導」服務，幫助成孕有困難的夫婦達成生育子女的願望。本會可按個別情況，轉介不育的男女往公立或私家醫院的婦科專科診所或男性不育診所作進一步檢驗

不過好多時心理質素都會有影響,好似我有朋友好想有bb,睇西醫食中藥,
計排卵期,甚至傳聞古方都試埋,攪左兩三年都冇好消息,決定放棄,順其自然,
反而好快就有左,重要係龍鳳胎!

妳這個問題很容易解决, 很容易弄清楚。先找婦科醫生說明原委, 檢查自己生育系统表面有沒有問題, 然後叫醫生給妳一個留精瓶子(像留痰樽一樣的),用以回家叫妳丈夫自瀆留精, 拿回去科醫生處替妳拿往化驗所檢驗丈夫排出物是否有精子(若因某問題引致輸精管閉塞便會沒有精子排出的可能),或是否有足夠令妳成孕的精子。這樣就可知道問題是否出在丈夫身上, 再請教醫生想辦法。
這是最正確的做法, 也是婦科醫生慣常的工作, 所以不必猶豫, 快找婦科醫生吧。祝妳好運。

我朋友都係咁，等咗幾年，有一次走去睇個同事介紹的中醫，調理三個月就有咗BB，而家個B都一歳。
妳試吓睇中醫，睇吓幫吾幫到妳，如果妳想要我朋友個中醫，就EMAIL比我啦。