我(27歲)同男朋友(27歲)拍左拖8個月, 我哋係小學同學, 喺一次小學同學聚會後重遇, 小學時已經對大家有好感, 因為年紀細, 而且小學畢業之後就各散東西, 估唔到重遇後有機會喺埋一齊, 而且仲好愛大家, 大家都好珍惜呢段得來不易既緣份. 而我之前都有拍過拖, 但佢真係我一生中最愛, 最遷就佢既男人, 我好怕失去佢, 因為我哋太愛大家啦.
問題開始發生啦! 下個月男朋友去澳洲工幹, 我提議我自己買機票去澳洲, 等男朋友工幹後喺澳洲逗留8日, 咁我哋可以去澳洲行吓玩吓, 去吓佢以前讀書同生活既地方睇吓. 過吓浪漫既二人甜蜜世界. (我同男朋友除左試過我生日去澳門玩, 試過單獨過一晚夜之外, 我哋都冇試過一齊過夜, 因為雙方都係同屋企人住, 屋企人唔鍾意或者唔方便) 當我哋傾好哂過澳洲同埋拎左大假之後, 有一晚, 男朋友通知佢媽咪(我不在場), 話佢同我去澳洲玩, 佢媽咪聽完之後, 話好耐未去過澳洲, 想去行吓, 佢媽咪同佢細佬都話一齊去, 男朋友覺得冇問題, 話可以一齊去. 男朋友之後打電話通知我, 話佢媽咪同細佬都一齊去, 我聽到之後呆左, 我同男朋友講再唸吓去唔去先, 男朋友聽到之後話我唔係好想去旅行咩, 做咩無啦啦又話唔想去. 我解釋話我怕要洗好多錢, 佢之後都好錫我, 資助我一半, 咁我見男朋友同佢屋企人咁興奮話要旅行, 我都話一齊去玩.(因為我怕我話唔去既話, 男朋友唔開心, 佢媽咪唔鍾意我, 因為我哋會結婚, 我唔想d家庭關係唔好, 而本身佢屋企人都對我好好, 我亦都好尊重佢哋, 好鍾意佢屋企人) 但我同男朋友第一次出國旅行, 就同佢屋企人一齊去, 真係變得一d都唔浪漫, 唔享受, 好掃興. 而家我d同事&朋友知道我同男朋友第一次去旅行, 就同佢阿媽同細佬都去埋一份, 果果都笑我, 話寧願唔去.
而家越來越近去旅行既日子, 機票同apartment(同佢屋企人, 同屋唔同房)已經俾哂$, 點解咁開心既旅行, 變得咁冇癮嫁? 我冇唸過拍戲用既老土橋段, 會發生喺我身上, 雖然男朋友資助我一半, 但我都要洗六七千蚊, 用六七千蚊買過咁唔美麗同好笑既回憶, 真係好肉赤, 我一早知道係咁, 寧願去長洲玩. 啱啱佢阿姨同表妹都話可能一齊去, 真係越來越多人(對我嚟講, 4人行同6人行冇分別, 一樣咁多電燈膽). <<唔知大家又點睇呢? 請講明你係男仔定女仔, 點睇件事?>>
第一次同男朋友去旅行, 佢阿媽同細佬都去埋一份! (20點)
2010-04-26 9:20 am
回答 (10)
2010-04-26 11:00 pm
✔ 最佳答案
我係女仔嚟，所以都好明白妳而家的心情。遇到咁唔通氣的屋企人，又真係幾失落吖！我諗佢媽咪跟埋去的原因都係以下幾個：一係當正妳係自己人，同自己啲仔女去遊埠好正常姐；或者就係好唔放心妳哋單獨一齊，可能佢仲未真正認同妳；三就係呷妳的醋，不滿意個仔同女朋友去旅行唔同佢去。不過，點都好，四人行或六人行已成事實，妳就不要唔開心呀！中國人有句說話：＂既來之，則安之＂，既然能如妳當初所願二人行，就當陪男朋友一家去旅行囉！人多有人多的熱鬧，但妳哋两個可以揾两三日(唔好係一過到去的頭幾日)，話去探以前的同學朋友，咁咪可以二人世界囉，相信佢哋唔會跟埋去啩？
仲有，妳要同男朋友講出妳想同佢二人世界的心願，要佢下次補番俾妳吖！
其實個回憶美麗與否，睇妳自己點睇同妳自己當時點去「寫」這個回憶。所以妳現在要放開D，放鬆心情去迎接旅程的開始，回憶是由自己創造的，何不為旅途加多些笑容和開心片段呢？我哋仲後生，來日方長，以後大把機會二人世界啊！
2010-05-10 2:45 am
其實你男友知唔知你0既心點諗?你有冇同佢講過你0既諗法?冇0既話唔怪得佢.
佢一路都以為你同佢一樣諗法覺得冇所謂LA,大家一齊去玩啫.記住佢唔係肚裹
嗰條虫.就算佢幾咁愛死你都係咁話LA.如果你再咁洛去,大家會好辛苦,有乜0野
坦白地同佢講,話唔定佢會响你企响你嗰邊諗呢.
佢一路都以為你同佢一樣諗法覺得冇所謂LA,大家一齊去玩啫.記住佢唔係肚裹
嗰條虫.就算佢幾咁愛死你都係咁話LA.如果你再咁洛去,大家會好辛苦,有乜0野
坦白地同佢講,話唔定佢會响你企响你嗰邊諗呢.
參考: 經驗
2010-05-07 4:41 am
你如果介意你男朋友唔考慮你的感受
又嫌棄佢唔買鑽戒俾你
咁你又唔捨得飛佢
你一定好鍾意佢
你咁鍾意佢
點都要花多少錢
又要忍受佢的決定
我覺得你應該想想：
1. 繼續忍落去(因為你太愛佢)
2. 零願唔嫁佢還化算(因為佢俾唔到你想要的野)
未結婚都咁對你，結左婚可能更差。
又嫌棄佢唔買鑽戒俾你
咁你又唔捨得飛佢
你一定好鍾意佢
你咁鍾意佢
點都要花多少錢
又要忍受佢的決定
我覺得你應該想想：
1. 繼續忍落去(因為你太愛佢)
2. 零願唔嫁佢還化算(因為佢俾唔到你想要的野)
未結婚都咁對你，結左婚可能更差。
2010-05-06 10:50 pm
明你感受
但可以二人世界嘅機會其實好多,何必因為一兩次旅行而傷咗大家嘅感情,何況你都諗住會同佢結婚,畀個機會你同佢屋企人相處了解下大家咪仲好!成家人齊齊整整咁去旅行係會冇咁free,不過有時唔係淨係諗自己,你男朋友咁孝順係好仔黎,雖然我都介意佢對你先斬後奏..!但今次就當難得機會囉。至於錢...其實我覺得唔係一個大問題,講錢傷感情
佢可能只係唔夠細心,去完今次旅行之後,咪嗲下佢,話下次想過二人世界,佢應該唔會唔理你,除非佢唔鍾意二人世界啦!
但可以二人世界嘅機會其實好多,何必因為一兩次旅行而傷咗大家嘅感情,何況你都諗住會同佢結婚,畀個機會你同佢屋企人相處了解下大家咪仲好!成家人齊齊整整咁去旅行係會冇咁free,不過有時唔係淨係諗自己,你男朋友咁孝順係好仔黎,雖然我都介意佢對你先斬後奏..!但今次就當難得機會囉。至於錢...其實我覺得唔係一個大問題,講錢傷感情
佢可能只係唔夠細心,去完今次旅行之後,咪嗲下佢,話下次想過二人世界,佢應該唔會唔理你,除非佢唔鍾意二人世界啦!
2010-05-06 2:18 pm
人多人少和浪漫無關哦，家人一起去~晚上你們可以自己製造浪漫嘛~
倒是覺得男生沒有考慮到太多你的想法是你們溝通不夠好？
還是男生先考慮到自己，自己家人..男生有時候是想得比女生少，這也是正常啊
那就看你愛他有多少咯~男生如果太過體貼到這樣的話，也的確有點為難他了
哈哈~~
不過~~我覺得提到尾數和當時的"承諾"資助你的這些，這我就覺得男生不可能是忘記了。。很同意你說的“從新評估”。。有時候的確是彼此相愛，卻彼此不瞭解。
小弟剛剛才經歷過...如果他真的那麼愛你..他不會忘記所有和你許下的承諾,
或者話語~哪怕是一點點的...這是女孩和我說的：）加油
倒是覺得男生沒有考慮到太多你的想法是你們溝通不夠好？
還是男生先考慮到自己，自己家人..男生有時候是想得比女生少，這也是正常啊
那就看你愛他有多少咯~男生如果太過體貼到這樣的話，也的確有點為難他了
哈哈~~
不過~~我覺得提到尾數和當時的"承諾"資助你的這些，這我就覺得男生不可能是忘記了。。很同意你說的“從新評估”。。有時候的確是彼此相愛，卻彼此不瞭解。
小弟剛剛才經歷過...如果他真的那麼愛你..他不會忘記所有和你許下的承諾,
或者話語~哪怕是一點點的...這是女孩和我說的：）加油
2010-05-05 8:56 pm
第一次同男朋友去旅行, 佢阿媽同細佬都去埋一份？
你說愛男友？但是你極自私？不會愛人地家人，如果你個仔帶你去澳洲？你會不高興仔的女朋友去嗎？人地一家素來分享團結，你竟然口水多多，喂這個是媽是細佬？你是乜嘢地位？女友？是加入人地家庭去旅行的。
日後你點和家婆叔叔相處？現在你要學習開開心心加入，沿途照顧家婆上落飲食？讓她無了你時是甚麼都不方便，可能回港後即叫你們結婚？家婆對你好，日後男友包二奶有多一個人幫你口？
你旅行一定拖住老嘢和男友？讓她覺得你有愛心和對仔仔好。當點食物時先問老人家，然後問叔叔？至後才問你個孝順男友
一笑。？總之你學習逆地如處去想？你才會開開心心的？
子
你說愛男友？但是你極自私？不會愛人地家人，如果你個仔帶你去澳洲？你會不高興仔的女朋友去嗎？人地一家素來分享團結，你竟然口水多多，喂這個是媽是細佬？你是乜嘢地位？女友？是加入人地家庭去旅行的。
日後你點和家婆叔叔相處？現在你要學習開開心心加入，沿途照顧家婆上落飲食？讓她無了你時是甚麼都不方便，可能回港後即叫你們結婚？家婆對你好，日後男友包二奶有多一個人幫你口？
你旅行一定拖住老嘢和男友？讓她覺得你有愛心和對仔仔好。當點食物時先問老人家，然後問叔叔？至後才問你個孝順男友
一笑。？總之你學習逆地如處去想？你才會開開心心的？
子
2010-05-02 6:20 pm
不論男女 , 愛對方 , 要接受埋對方的家人 , 否則以後日子會很難過 ,
係 , 咁多電燈膽 , 無晒 mood , 但另一角度看 , 這是一個好機會加深雙方面認識同了解 , 若預計到將來不可能和平共存 ,又沒有其他解決方法 , 早的閃好過他日再攪離婚。
係 , 咁多電燈膽 , 無晒 mood , 但另一角度看 , 這是一個好機會加深雙方面認識同了解 , 若預計到將來不可能和平共存 ,又沒有其他解決方法 , 早的閃好過他日再攪離婚。
2010-04-29 6:54 pm
一個咁錫屋企人的男仔,以後一定會好錫你的,同他家人一起旅行也是給你們一個相處機會.
2010-04-28 8:07 pm
浪漫不一定要是二人世界 …
熱熱鬧鬧又是另一種浪漫， 只要不乏“此生最愛”的他伴在妳身邊 …
妳不是說“最遷就”他嗎 ？ 那麼， 發揮一下吧 ！
光說不行啊 ~
如果您們有結婚的打算， 亦有意弄好彼此的家庭關係， 男方家人又待妳不賴， 妳也尊重、 喜歡他們 …
不知此次充斥著溫情的旅行有何好笑 ？
既可增進婆媳感情， 又可和他的親戚打好關係， 活像一家人 ( 預習妳未來的婚後生活 )； 將來真要結婚時準沒人投下反對一票 …
另， 將來嫁他的是妳， 不是妳的同事、 朋友 …
妳要什麼美麗回憶 ？ 二人在房間溫馨、 浪漫， 熱情地相處 ？
他， 真的是妳的“最愛”
但我都要洗六七千蚊， 用六七千蚊買過咁唔美麗同好笑既回憶， 真係好肉赤 …
讓他知道妳心中所想 ( 好一個“買”字 )？ ， 可要重新衡量妳和他之間的感情， 是否值得“投資” ？ 會否“血本無歸” ？是否該“離場止蝕” ？
況且妳亦不及他們虧， 他們需花更多的錢來“買”妳的真面目或心聲 …
冒犯了 ！
2010-04-29 15:20:45 補充：
還有， 為什麼妳可以“主動”建議待他公幹後一起玩 ？ 他的家人便不可以 ？
小心 “很疼愛” 妳的藍籌股將來連資助妳“一半” 的意欲也沒有 ( 記著， 妳仍未達全數資助的階段 )
妳 27 了， 不要迫他找另外一位“大方得體”的 ！
熱熱鬧鬧又是另一種浪漫， 只要不乏“此生最愛”的他伴在妳身邊 …
妳不是說“最遷就”他嗎 ？ 那麼， 發揮一下吧 ！
光說不行啊 ~
如果您們有結婚的打算， 亦有意弄好彼此的家庭關係， 男方家人又待妳不賴， 妳也尊重、 喜歡他們 …
不知此次充斥著溫情的旅行有何好笑 ？
既可增進婆媳感情， 又可和他的親戚打好關係， 活像一家人 ( 預習妳未來的婚後生活 )； 將來真要結婚時準沒人投下反對一票 …
另， 將來嫁他的是妳， 不是妳的同事、 朋友 …
妳要什麼美麗回憶 ？ 二人在房間溫馨、 浪漫， 熱情地相處 ？
他， 真的是妳的“最愛”
但我都要洗六七千蚊， 用六七千蚊買過咁唔美麗同好笑既回憶， 真係好肉赤 …
讓他知道妳心中所想 ( 好一個“買”字 )？ ， 可要重新衡量妳和他之間的感情， 是否值得“投資” ？ 會否“血本無歸” ？是否該“離場止蝕” ？
況且妳亦不及他們虧， 他們需花更多的錢來“買”妳的真面目或心聲 …
冒犯了 ！
2010-04-29 15:20:45 補充：
還有， 為什麼妳可以“主動”建議待他公幹後一起玩 ？ 他的家人便不可以 ？
小心 “很疼愛” 妳的藍籌股將來連資助妳“一半” 的意欲也沒有 ( 記著， 妳仍未達全數資助的階段 )
妳 27 了， 不要迫他找另外一位“大方得體”的 ！
2010-04-26 9:34 pm
其實唔好咁介意有乜人一齊去旅行, 只要你同你男友一齊開心未得囉, 有時同家人一齊去都係一個將來好好嘅回憶, 你可以到時分開行街/玩, 食飯未約反一齊食囉, 多人食飯都開心d啦
收錄日期: 2021-04-13 17:12:46
原文連結 [永久失效]:
https://hk.answers.yahoo.com/question/index?qid=20100426000051KK00110