我同佢算係咩關係﹖

我鍾意左一個結左婚既男人呀，我同佢既年齡相差都幾遠，我係十字尾，佢係三十多。我係第一眼見到佢已經有d好感，用左一段時間去識佢，最初我同佢只係會見到面講一兩句，打個招呼。時間一日一日咁過去，我同佢唔再見到面會講一兩句。同佢熟左好多，熟到會同佢傾電話。我同佢依家算係咩關係呢?
有時會等佢收工，之後兩個去食飯。平時我唔洗返學，就會去搵佢。
佢放假叫佢黎陪我，佢都會肯。
成日都會打俾佢叫佢陪我食早餐，佢多數都肯，會一早起身去陪我。
同佢傾電話當佢同老婆一齊，佢會想收線，我知道佢因為咁想收線，發脾氣，佢會係到哄我聽日打俾我。
但係當同我一齊時佢老婆打俾佢，佢又會好快收線。
一直以黎佢都唔會係我面前提另一半。
佢有野唔開心都會打俾我呻。
係無人個陣我會成日捉住佢隻手，佢都唔會縮，但有人個陣佢會避。
同佢講有男仔約我去街，佢會唔講野，過一陣會係到發脾氣鬧我。問我做咩唔同人地去街。
當我同男仔去街佢會係到串我，又會問我去街d野。
我整親佢都會好關心我，會係到哄我。
當有一段時間唔出現係佢面前，佢會打俾我。
佢會買野俾我屋企人，叫佢自己拎俾佢地，佢會話唔好意思。
有人話我同佢，我話唔介意，佢就話佢介意。
知道佢介意人地咁樣睇我地，我見到佢會扮唔熟就咁行開，佢會望住我。之後叫我過去佢到，打我一下係到同我玩。點解佢介意人地咁睇我地，當我避佢個陣，佢又要係到同我玩。
究竟我同佢係d咩關係?朋友?佢做呢d野係唔係只當我係妹妹。
如果唔係咁係佢眼中我係一個咩人﹖