（doraemonpaul 4歲生日獻禮）關於「驕傲」一詞

你好!

我中文好屎架咋,但都有少少愚見,唔知幫唔幫到你呢?

其實我覺得都係見人見智而已!

我覺得,除左於驕傲前加上”為人”二字的話,先會將<驕傲>二字變得負面!反之,平時單獨使用,或加上任何詞彙,我都覺得此詞語係褒多於貶!

老實講,我以前都好似你咁諗,一聽到<驕傲>二字,就會即刻聯想到 : 巴之閉,扮晒勁,囂張,不可一世,驕兵必敗等,總之好衰啦!

但自從容祖兒將<我的驕傲>唱到街知巷聞,無論3到80歲都識唱之後!可能因為當中歌詞,而令我對<驕傲>二字改觀,認為係正面嘅!

而且,英文嘅講法,雖proud係等於<驕傲>,但就好少會剩係聽到proud一個字!通常都會連埋of嚟用!如proud of you或proud of my mother…etc!中文翻譯即係以乜乜乜為光榮,為某某引以自豪!係稱讚,係appreciate,並非巴之閉!

你問點解用在<為XX而驕傲>的時候卻變成正面的詞彙,或許亦因為英文嘅關係吧!

我好認同另一位朋友話,依家有好多野都比人扭曲晒!傳媒力量實太大!以訛傳訛,結果錯晒!
But對於依家<驕傲>呢個case,佢話可能係大家一直用錯,我就唔認同喇!
(請唔好介意,只係想大家交流下意見而已,冇惡意架)!

講真,任何詞彙都好,大部份都冇話一定係褒或貶,睇你點用嘅姐,或用喺咩場合,什至乎有時講出嚟嘅語氣,都好影響到詞彙嘅意思,分分鐘可以由白變黑!

舉個例,有人會將啲小朋友,細路仔稱之為靚仔,ok吖!冇問題!但若你係對住一個15-16歲嘅青少年,叫佢地做靚仔的話,就算你唔加個死未落去,大多數都會覺得”啊!佢指嘅係啲死靚仔死臭飛之類”!但其實講者可能係一位好大年紀嘅人,所以就算16,7歲都好,對佢嚟講,都係屬於小朋友咁!

唔知你明唔明我嘅意思呢?又或者咁講啦!例如英文good!單獨睇係褒詞,但加個not的話,就會變成貶意,雖則未到bad咁嚴重,但都係負面的!

因此,我覺得一個詞語冇話分褒或貶,就如一隻狗狗毛公仔咁,根本冇分男女,睇下你同佢著件咩衫姐,著裙嘅咪當佢狗女囉,著褲咪狗仔囉!

你認同嗎?


Winnie Lee

本人認為只得一個原因 :
就係 d 人用錯左。
查實「為XX而驕傲」應改為 : 「為XX而感到自豪」，
個人估計最初係有條翻譯「人才」唔識個 proud 字，
查完字典就是旦抄一個中文解釋來用，後來 d 人又
你抄我我抄你咁，咁咪攪出 d 咁嘅笑話囉。
最慘係連非娛樂傳媒(例如新聞報告)及大部份教育機構都係咁，下一代想識野都幾難啦。