我自問我諗得好好好好好清楚先決定養呢2隻狗;
我亦都唔會遺棄佢;1定會陪佢地終老!
年幾2年前區議員選舉時;有位區議員參選時有一項政綱;
話會為本屋苑居民爭取唔准係本屋苑養狗;
我明白香港好多人唔中意狗;我地屋苑亦都唔例外;
所以好多居民都選左呢位區議員;當然呢位區議員梗係順利當選啦;
結果公契加入左一條唔俾養狗既條例;有冇諗過我地屋苑養狗d人點算?
我既狗狗已經養左成4年;養果陣都未有條咁既公契話唔俾養狗;
咁我可以點做呢?我地間屋都仲供緊;邊到有錢再係出面搵間屋住呢?
村屋係俾養狗;但唔係間間都俾;俾養狗既租金都會比較貴;
所以唯有繼續住;盡量控制狗狗;唔好俾佢地太過影響到其他住戶!
地小人多令香港既村屋愈黎愈小;好多村屋都俾政府收地黎做其他用途;
唔係個個人都有錢自己再搵塊地再起過間架嘛;
唔通帶埋狗狗全家去訓街咩;絕對唔係解決辦法!
本身都好地地;相安無事;其中一隻好日都唔出一次街;
另外一隻近排先多左落街;點知就出事啦;
早幾日收到屋苑管理處俾既紙仔話我地隻狗落街會影響衛生;
呢次係我地第一次收到警告;感到好無助!
我地唔係有錢人;人同狗狗生活岩岩夠;
明明好地地;但係點解要發生d咁既事;
點解要加條公契唔俾養狗?咁養緊狗d人點算?
對狗有認識既人都會知道;狗狗係屋企去大小便;
就算點清潔都好;始終都會有味;隔離鄰舍好難聞唔到;
帶狗狗落街去;就算帶去草叢;小便當淋花;之後搵水沖;大便執起去掉;
但住戶都係唔鍾意;咁狗狗仲可以去邊度大小便呢?
下下車佢地出去第2度去?唔係個個屋企都有架車;唔係個個都有咁既能力;
就算解決左大小便問題;都始終有其他問題出現!
d人唔鍾意就唔鍾意;就算你既狗狗點乾淨點乖都好;
佢地都會搵到藉口想話你既狗狗滋擾到佢地!
有人話有敏感;人地唔係叫你對住佢隻狗成日;唔係叫你攬住佢隻狗丫嘛;
你敏感你見到可以避一避;呢d野你就下我我就下你;為大家好既姐!
如果真係唔俾養;咁狗狗點算?遺棄佢?會唔會好冇人情味呢?
條街咁多流浪狗除左因為d人唔諗清楚就養之外;
亦都係因為地方問題;好似我地咁;本身養得既;
一個唔該就無啦啦加條公契話唔俾養;
之後要你拎走隻狗;冇解決辦法;被迫將狗遺棄;
好多時d狗狗就係因為咁而失去左生存既權利;
亦有d未絕育既流浪狗會再交配;
又再繁殖出一堆新既狗狗;呢個問題又點解決?
狗真係咁討你地厭咩?就算幾唔鍾意都好;當佢地無到都得掛?
見到掂行掂過就可以;人地唔會迫你同佢既狗狗玩;
佢地始終有主人;主人當然可以控制到狗狗唔俾狗狗嚇親人;
但係如果遺棄左;佢地冇主人;冇人控制佢地;咁佢地衝埋你度你點算?
狗都有生命;佢地出世係冇罪架嘛;佢地都只係想生存架咋;請你地體諒下!
以上只係我既小小意見;絕對冇意引起罵戰;
如果有咩得罪各位唔中意狗既人;可以留言指教;亦可以睇完就算;謝謝:)`
更新1:
多謝樓下呢位朋友既幫忙;我都好同意你既講法! 早更果個管理員自己本身驚狗;果陣我明明拖實左隻狗; 但係佢見到我地出入就好似見鬼咁行埋1邊;連管理員都驚; 住客見到佢咁既樣自然會覺得我隻狗好得人驚; 我覺得佢唔洗驚成咁;我係隻狗既主人; 我當然控制到佢啦;唔通我由得佢嚇人咬人咩; 即使我冇拖狗;平時出完街買左好多野;拎住一揪二揪; 佢見到都唔開門俾我地;由得我地放低哂d野; 禁完密碼再拎番哂d野再開門; 有一次我阿媽因為管理員冇開門俾佢; 放低d野再禁密碼;拎番哂d野;但趕唔切開門; 結果呢個動作做左幾次先入到大堂; 個管理員見到佢咁樣都唔幫手;都唔知佢搞乜! 所以我真係唔太滿意早更個管理員!