養貓養狗(15POINT)

1.養猫狗都要視乎你養嘅係咩種,如果係純種,又有出世紙,要成萬銀,如果係純種,冇出世紙,要約8000,但好多時喺旺角花園街,我見雜種嘅都係約八百至千幾,多數都係狗貴啲.
2.養猫狗都係第一次最貴,因為你要買齊佢生活所需,例如乾糧,食物碟,零食,沖涼液,梳,杜虱藥,杜蟲藥,水樽，玩具,漂白水(用來清潔地板及佢屙咗喺屋企嘅時候清潔用)．
猫仲要買猫沙,沙盤,魚罐頭,剪腳甲剪,洗耳水,洗耳藥(防止沖涼有水入咗去,見倒有啡色污糟嘢就要用)
狗就要買出街拖繩，打晶片．
買完上述嘅嘢，你預一百蚊一個月啦．
3.猫通常在沙盤屙屎尿,係唔駛訓練佢都識嘅,如果佢去其他地方屙,即是沙盤太污糟,要清理沙盤同用漂白水洗吓,亦有新嘅貓廁所訓練啲貓去人嘅廁所,但係真係好貴,而且佢去完,你仲要幫佢拉廁所制,個廁所先唔會留有污漬.
狗係要人帶出街屙嘅,通常係佢有行動要屙嘅時候,你就要預備報紙喺下面,等佢屙喺上面,然後你要掉落垃圾筒,屙尿你就要預備支水,幫佢沖咗去清潔街道,唔係你屋企附近都會變到好污糟同好臭,日本已盛行好耐,並且設置狗公園廁所,即係一個公園滿佈泥沙,佢可以喺入面好好方便.
4.睇你買咩乾糧比佢食啦,我就用ROYAL CANIN嘅,我隻貓已經八歲,三個月大買嘅,問過好多間竉物店,都話最好用呢隻牌子,因為對貓嘅內臟好好,又健康啲,味精又少,最近仲有隻INDOOR 27,係比室內貓食嘅,有除臭功能,但係我都唔覺佢啲屎同尿好臭,我哋係一星期先幫佢換一次沙同洗沙盤嘅.
而ROYAL CANIN都有狗糧嘅,但係你點都要帶佢出街屙架啦,如果唔係,狗係唔識得去邊度屙嘅,佢會喺你間屋亂咁屙,我姑仔掉低隻狗比佢亞爸揪,點知隻狗發脾氣,走去佢張床度屙,攪到佢老人家鬼咁激氣.
5.幼貓你買支有羽毛棒同佢玩,或者有叮噹嘅波比佢追就得架啦.到佢歲零佢已經唔肯玩,要成日瞓,因為成年貓就同佢天敵老鼠一樣,日頭係瞓嘅,晚黑先至出動.
狗都係買隻波比佢玩,佢就已經追餐飽.
6.幼貓通常夜晚都會好頑皮,專拿東西抺落地,最慘佢悶悶地會整醒你,叫你同佢玩,貓通常都係餵兩餐,早晚兩餐,所以晚餐之後,留意佢係唔係想瞓,就要攪醒佢,唔好比佢瞓住,等你哋要瞓先比佢瞓,唔係佢夜晚鬼咁精神,就會攪啲嘢落地,佢又識揀唔爛嘅,攪到你唔知好嬲定好笑,有次佢半夜整淋盤花,盤花喺窗台,就跌落我張床度,攪到又泥又水又花,有次佢又攪盤魚,攪到成缸魚跌落床,我好嬲閙佢,唔比貓糧佢食,佢好似識聽,成晚喺張床下底唔敢出唻,直至我老公唔忍心餓親佢,捉佢出嚟.
狗就唔會似貓咁夜晚唔瞓,但係佢係細嘅時候,都會好頑皮,要你同佢玩嘅時候,都會叫你起身,但係你唔起身,佢會叫到你起身為止,所以一定要帶佢出街街,同佢跑吓,做吓運動,狗貓都有人性,長期冇人理,冇得玩,佢哋係唔會算,係會累到你都冇得瞓嘅.
7.去圖書館借啦,有圖書係教人點養動物同了解佢哋性格同特質,如果你果間冇,可以喺圖書館嘅電腦揾有關科目嘅書,仲可以預訂借嘅.
8.貓同狗都係到七八個月倒就思春期,咁就要做絶育手術,貓就要八百,狗我就唔知啦,詳情你可以問獸醫嘅.
9.通常一買返嚟,就要帶佢去獸醫檢查同打預防針,因為貓狗都有疫症,所以要立即帶佢見獸醫,預防針都係二百幾蚊支,之後一年一次,我個獸醫年年都有信寄比我,提我帶隻貓打針.
10.病要睇佢係咩病,你預一科就三百至四百蚊啦.
11.貓為了要磨尖啲爪,所以會喺屋企揾嘢嚟磨，你要預備啲紙皮箱比佢磨，唔係佢揀中你個木櫃，咁你個櫃就比佢磨欄小咁忽，我個櫃就係咁比佢磨啦．
　狗就冇呢啲咁嘢．
12.猫狗日常用品大多喺竉物店內有售,但係現在興網上訂購,因為方便自己唔駛攞,但係好多沖涼液,洗耳水,梳呀...都冇得買嘅,所以都要好留意屋企附近有冇竉物店.
13.貓生活獨立,大個咗佢仲會嫌你抱佢架,但係你見佢養到肥嘟嘟,咁得意,好難唔抱佢,佢就會用好嗲嘅聲抗拒你，推開你，佢自己除咗食嘅時候揾你之外，冇乜事係你唔好煩佢．
　狗一生只有主人，主人陪佢玩佢便滿足，而且非常忠心，係樂於共你為伴嘅動物，但係你要有時間照顧佢，因為佢絶對唔可以日日留喺屋內，如你住公屋就千其米養，因為佢真係要日日帶出街．
14.緊係養狗活潑啲啦,猫個性獨立嘛,成年貓差唔多唔駛點理佢,佢會照顧自己同乃毛過日晨.
15.咁你係唔係住公屋,係就千其唔好養狗,米累佢要入住愛動物協會,貓懂得照顧自己,就一啲都唔麻煩,所以香港係養貓多過養狗嘅,養貓定養狗,睇你點睇啦.

1.買貓大約幾多$一隻??
ANS: $ 2000

2.買狗大約幾多$一隻??
$2500

3.養貓大約要幾多$生活費??
$10,000

4.養狗大約要幾多$生活費??
$15,000

5.貓D屎/尿係咪好臭??
ANS :狗臭D

6.狗D屎/尿係咪好臭??
好臭

7.如果貓OR狗D屎/尿好臭 有冇辦法解決??
沐浴

8.養貓嘅話 要幫佢買D咩?? 大約要幾多$??

籠,玩具
9.養狗嘅話 要幫佢買D咩?? 大約要幾多$??
籠,玩具

10.養貓嘅話 平時可以同佢玩D咩??
籠,玩具

11.養狗嘅話 平時可以同佢玩D咩??
跑

12.養貓嘅話 可唔可以訓練佢自己去廁所??
可以訓練佢自己去廁所

13.養狗嘅話 可唔可以訓練佢自己去廁所??
可以訓練佢自己去廁所

14.養貓嘅話 佢夜晚訓覺會唔會係咁叫??
咁叫

15.養狗嘅話 佢夜晚訓覺會唔會係咁叫??
叫很大聲!!!!

16.有冇D類似養貓嘅教學 可以教我點養貓??
blog

17.有冇D類似養狗嘅教學 可以教我點養狗??
blog

18.如果隻貓病左 睇一次獣醫要幾多$??
$500
19.如果隻狗病左 睇一次獣醫要幾多$??
$600

20.養貓嘅話 D貓會唔會整爛屋企D野??
唔會

21.養狗嘅話 D貓會唔會整爛屋企D野??
會!!!!!!

22.係邊到有得買貓同埋貓D日常用品?? <價錢要適中>
金魚街

23.係邊到有得買狗同埋狗D日常用品?? <價錢要適中>
金魚街

24.整體嚟講 養貓定養狗好D??
當然養貓好D!!