天理何在 – 信佛嘅、教書嘅會破壞人地家庭

想問大家，有見過人依D咁嘅賤女人。

我細佬已經結左婚，仲有兩個三歲同五歲嘅仔。向大半年前，我弟婦同我講，話我細佬外面有個女人，我起初不相信，後來我細佬承認左，不過佢都好後悔，好努力去逗番個老婆同個女人分手。 我以為事情已經解決，點知。。。 嗰個不知羞恥嘅女人，唔夠三日又搵我細佬，話好後悔之前做事，會去歸依，又話希望我弟婦可以原諒佢。結果當然到依家佢地都一齊啦。不過我最嬲係依個女人真的好過分，又話自己信佛，我知道佢仲係教書添！但連我細佬一星期只有一日陪佢兩個仔去玩，都搞破壞。上星期日，我細佬陪D 仔去坪洲玩，個女人忽然打比我細佬，話有人打電話比佢，用D好難聽嘅說話鬧佢。又喊苦又喊忽，話我弟婦打比佢鬧佢，但我弟婦成日同我細佬同D仔一齊，點打啊？我細佬又好白癡咁，丟底D仔出番去香港搵佢。其實一星期有6 日我細佬已經陪住佢，點解連兩個小朋友都唔放過？？？本來D 細路好開心，但突然Daddy走左出去幾個鐘，都有唔開心。仲話係教書嘅，唉。。。 唔怪得知宜家D 人質素越來越低。我地成家人都無我細佬辦法，我地同佢反晒面。我細佬真係無腦，咁大個人好似底能白癡咁，比條女迷到”溫溫鄧鄧”，每次同條女一齊都會熄電話，我問佢如果有一日屋企有急事搵佢，但佢熄左電話咁點算，佢當然無答我啦…

其實我最擔心D小朋友，大仔好聰明，其實佢應該知道Daddy外面有女人，今日我去探佢地，大仔做功課作句子，題目我的感受。 第一句：我很開心；第二句：我很傷心：第三句: 我很妒忌；第四句：我很孤獨；第五句：我很害怕。五句有四句負面…. 其實佢兩個怕唔怕會有報應. 信佛應該信天理循環。

我知道兩個大人可能真係唔可以响一齊，但起碼唔好傷害D 小朋友，佢地好無辜。