加拿大,日本升學

✔ 最佳答案

點解你咁奇怪？去加拿大讀高中但之後就到日本升學。你到日本升學應該係讀大學吧？點解唔承認？一樣係高中畢業便何況由西洋國畢業。不過，我勸你還是繼續在加拿大升大學好過。因為到日本升大學你必須先修讀日語然後經考試合格才可以考大學。若冇大學學位咁你由日本返嚟都冇乜作為，做導遊？還是到日資公司工作？個模範咁窄，唔值得考慮。
假若由加拿大完成高中畢業，你都可以回港報讀大學啦﹗有一些學生咪一樣咁樣回港升大學。
還有雖然在日本升大學既學費不算貴但生活指數超高，還高過美加、澳紐以及歐洲一帶。所以真係要好好考慮清楚這個升學決定。
到到都有新聞系或傳理系讀，點只日本。
除了加拿大還有美國、英國、澳洲及紐西蘭都值得考慮。要看你喜歡那個國家？若講開心及認可性高既咁梗係美國，英國就較規律性而且天氣好潮濕冷，澳洲跟美國一樣咁開心但冇美國既教育咁彈性及評價高，紐西蘭既學費及生活費都較其他國家便宜。點環境清幽而美麗絶對適合讀書…不過若你是一個好外向既人就唔太適合。因為會悶到你死，見羊仲多過人，成條街都靜到不得了，但點人好nice。有些同學仔話到紐西蘭讀書可以慳返好多零用錢，因為冇野可以買及玩，幾乎冇咩娛樂可言。唔想比心機讀書都唔得啦﹗
其實你可以考慮到美國做一年交流生，只要有中四程度+校內成績有3科合格+15-18歲留下咁就有資格報讀。做交流生除了學費便宜亦可以獲得一個寶貴既人生經歷。(學費約7萬幾包食宿+來回機票+醫療保險)
入讀當地既公立中學住在Homestay裡，果一年裡住宿家庭會監督你既學業進度以及你既起居飲食，有起慶日子就帶你一起參與…務求要你投入佢地既家庭當中及社區裡。好多同學仔既英文都突飛猛進。
完成一年既交流可以報考當地既大學或者到其他海外升學，回流香港升大學也可以。
家庭既然可以負担到你留學到加拿大及日本咁即係錢已經不成問題，咁有咁多國家選擇又何須只局限自己到日本升學。

2010-04-21 15:10:29 補充：
002究竟你有冇睇過主題係咩？亂講24。
003你既建議都唔錯，不過愛爾蘭暫時嚟講都唔太流行係香港。所以學成歸來既出路究竟有多大亦係重要既問題。若不是讀醫或酒店管理既話，最好找回一些大路既國家升學。致於你話歐美一帶都有好多中國人，雖然係，但也要看你讀那所學校？冇中國人就以為一定讀書成功？咁諗就錯，讀書成敗在於個學生究竟願意付出幾多？我永遠不相信一個學生因太蠢而不能成功，只會相信因懶惰而失敗。

2010-04-21 17:01:49 補充：
樓主唔好意思呀…我唔太熟日本留學既行程。但個人認為留學係必須先考慮認可性既問題？如果本地對某一個國家既畢業証書冇乜認可性既話…讀嚟都浪費時間。其次係要睇吓市場既需求？究竟選擇既學科實唔實用呢？假設本地係唔太着重農務業既，但你就偏偏選了這個學系去讀。咁你拎住果張畢業証書都可以話冇用囉。
日本留學唔係冇用但一定要取到學士學位，否則唔好讀。老實講，由日本留學回港後找工一定冇由其他歐美國家畢業回來既學生吃香。因為香港着重既係英文、普通話及廣東話。唔係日語。你咪最多只可以在日資公司工作還有旅行社做導遊，咁你話係咪個範疇好狹窄？但由歐美回港既學生就唔同，佢地可以一樣找日資公司既工做。當然懂多種外語都係好事。

2010-04-21 17:14:03 補充：
可以到自己想到既國家裡讀書當然係理想既事，但現實與夢想係另一回事。唔好因為崇尚人地既野就胡亂去留學。以為人地既野一定係好好，其實未必適合自己？當然去其他國家亦可能未必最岩自己？但花上一筆佢額和用上幾年既光陰就必須謹慎考慮清楚去那裡才最適合自己？最有前途？

2010-04-24 23:22:32 補充：
不好意思，當交流生既資格應該是最近既校內成績不可多過三科不合格先岩。(唔係得三科合格。)

回答 (2)