談戀愛的新鮮感很快消失

你的問題是對戀愛或愛情有錯誤的理解和期望。你認為愛情是感覺，所以就算你明知現的男人是你所愛/他愛你，你也會幻想另一個男人會給你的「戀情」感,亦由於這錯誤價值，你對任何一段你認為是「愛情」的關係都會好快「覺得」淡化了。就算如你所說的戀愛昇華成感情，又或再沉澱為習慣，你仍會覺得這感情不停地漸淡，習慣這感覺亦不斷地淡...，原因是你沒有栽培愛情這觀念，認為愛情感情關係都由感覺來決定狀況，實際是你沒有注入營養或只是被動地在等人餵，感覺便會一日少過一日。

愛一個人不是每時每刻都想住他感覺，反而是未肯定愛情前(男仔想追女/女想被人追/追緊人時)才會如你所說的感覺，你現在是進入培育期，你不用無時無刻都會想住佢，但當你有一樣嘢想到佢或跟他一起時，就要把握這時間問自己可以為佢做甚麼令佢更快樂或者叫佢更知你心意，假如你和他都識這樣做，你會在不同時有很多感情收獲是因為你給他時他也給你，這才是愛情嘛。

看來你都不是小朋友，結婚之後更加重要是進入開花期，你問下花店，開花期之前要施肥，開花之後要陽光和水，花謝之前/後要修剪技節，才能另下一回開花更美，愛情就是栽種你們的關係。

祝你愛情更上一層樓。坊間都有些愛情課程，約埋他去一齊上吓，增進你們的了解亦可以學些一生受用的技能為自己的將來美麗人生增值，唔係所有進修都是為工作的。

其實呢隻feeling人人都有
吾關愛得多吾多既問題
一對情人係無可能永遠都有著新鮮感
希望你吾好因為小小既錯覺令到你覺得可以同你過世既人有咩誤會
我之前都有你呢隻feel
我有女朋友既時候
我都有留意街邊既女仔
吾緊要wo但係
你知道自己系真心愛佢
為佢付出一切;]
咁就咩都得拉

唔好意思講句,結咩婚念頭丫,我覺得呢樣講黎都side氣
呢家d小妹妹13,4歲拍拖夠會話想第時同你結婚啦
其實我覺得你係唔係好理解到點為之"愛",你到底知唔知愛係一樣點樣既野??
唔係鬧緊你,不過我覺得有d問題你應該自己好好諗下:
你都識話:你地細果個曾經一齊過,不過後來分開左,咁既然都拍過拖,再次一齊返唔係代表認為對方先係適合自己,最了解自己,能夠同自己走到最後既果個人咩??你有冇咁既感覺先??
同埋你愛一個人點解會唔掛住佢??好似又冇咩理由,我見到上面有d意見話可能已經變左一種習慣而唔係愛,但我又覺得當你由愛變成習慣既時候,應該係連思念都變成一種習慣,慣左一見到某d野/做緊某d野就會諗起對方咩??
其實幻想有事又真係控制唔到既,咁幻想唔係罪,你又唔洗咁大罪惡感,最緊要係你知道自己最愛果個依然係佢??
呢d問題伙真係要好好認真諗下,最後啦,如果你真係發現自己最愛果個唔係佢都冇辦法,同佢講好過厄住佢,畢竟一個咁愛你對你咁好既人你願意瞞騙住佢嗎??而且到時你自己都會好痛苦,我相信佢都絕對會feel到有唔妥,不如放手比個機會自己比個機會佢,等佢遇過個更好既
雖然咁講好似有d不負責任,但事實上除此之外都好似再做唔到d咩,不過我覺得啦
既然你知道佢對你咁好你自己又真係愛佢既,你都可以坦白將件事同佢講,當然佢唔開心實有d,不過佢愛你既都會同你一齊面對,你地既感情相信經歷完呢件事都會更好,加油啦=]

你有咁樣既諗法,呢d咪叫花心,不一定係中意第二個就叫花心,對佢實太不公平,自己控制和檢討下啦.要學會珍惜.

我有點理解, 因為我有個朋友都有類似情況, 她拍拖兩年, 我們朋友間都沒有見過此男子, 從來和此朋友出街, 都沒有見到她收到男朋友的電話, 給我們的答案時, 每次她出街和那個朋友出街, 都已一早告知男友, 所以她不需再打電話給他, 而我這朋友, 她自我意識真的非常高, 常只諗起自己發生的事, 及家人的事, 甚至她爸生cancer的事, 我問她有無跟男友傾訴, 她都說跟他講都無用, 凡事都自己去處理. 久而久之, 我覺得他們的關係不似愛情, 只像一種習慣, 有像有些人每天都要飲一杯coffee一樣, 可能他們不是覺得很好飲, 只是又不太難飲, 就變成習慣, 不想去選擇, 每天都飲coffee算, 你明白最終是什麼道理嗎?

因你們已昇華了感情, 由愛變習慣, 有又不覺得多餘, 沒有了又好似身邊少了什麼...