我哥女朋友的 ''低莊'' 手段

你好!
由於我兩個角色都做過(做人女友,以及做人姑仔),所以想比啲意見你!
我的情況
我細你哥兩年!7年前,我搬左去我前前男友屋企同佢媽及細妹住!嘩!不得了!佢地真係好錫我!
最初只見過佢妹(簡稱p)一次,但男友就話p對我印象超好!p大我兩個月!未同居前,都已常上男友家,開始多左接觸p,男友話以前帶過n咁多個女仔上去,p都會對佢地黑口黑面!成日單單打打!但對你就唔同!
同居後,同p感情更好!無論面膜,精華液,衫,都會都特登買多份比我,男友:”嘩!你真巴閉,有時用佢啲洗面乳,都剷到我上天花板!試過有條女嚟過夜,用左佢啲卸妝液,p竟走去用粗口鬧人,家陣佢比你用,你真威!”
多年後,有次傾計,問點解對我咁好,p話中意我純,對佢阿哥又好,唔似以前啲女搵佢哥著數!
有時佢地兩兄妹嗌交,我就做和事佬!另外,伯母又係好到加零一,知我中意食魚皮餃,成日都買並煮埋比我食!佢地一家從未當我係外人!四兄弟姊妹都對我超好!只係差一張婚書而已!可惜,最後都冇開花結果!
由於我係喺男仔圈子長大,親戚堂哥表哥又多,所以我有好多阿嫂,而我又係最細嘅,所以個個都好錫我!相處得非常融洽!
我性格一向都係你對我好,我自然會對你好!若我對你好,但你對我pk的話,我會忍,並繼續對你好,因唔想難為自己阿哥做磨心!但若再得寸進尺,我就天王都冇面比!當然,我好講道理,若因我喺唔知情下得罪左你,唔緊要,大家攤出嚟講清楚,係我唔啱,我一定會道歉!但若恃住阿哥會幫佢而擺個阿嫂款,去趷我的話!哼!食屎啦!我會日日都用盡最難聽嘅說話去小佢囉!講真,未入門都咁,若真係入左門,我仲有掟企?但好彩我冇咁情況!
你的情況
(1) 最抵鬧嘅係你,點解你唔還擊?我估你可能因太細個,唔識點同佢鬥,什至唔敢同佢鬥!始終佢廿幾,你得十五,靚妹仔一名而已!
(2) 妖,欺善怕惡,駛唔駛用呢啲招數去恰一個只得15歲嘅妹妹?仲要係自己姑仔!
(3) 最賤嘅係,明知你唔識亦唔敢去反駁佢,又恃住你哥會幫佢,所以咁賤格!呢啲唔係叫低裝,係低能,幼稚!
(4) 請老實回答,你真的為左唔想同佢關係再惡化而唔出聲?抑或覺得,始終佢係長輩或阿嫂,怕佢話你冇大冇細!又怕阿哥幫佢嚟鬧你而對佢有所避忌?
我的建議
係時候還擊喇!
a) 佢打你à你同佢道歉à之後佢仲要向你報仇?咩邏輯?都忽嘅!邊有人賤到咁,好陰毒!
其實奇怪事件已做到好明顯,但個八婆都嫌唔夠特登,驚死你唔知係佢做咁,剪斷你電線,講真,白痴都知咩事啦!
佢就係要睇你呢個敢怒不敢言樣!並且宣示主權,高調話你知,得罪佢,一定有排你受!
b) 就算你忍功一流,以為唔想家嘈屋閉而啞忍?錯啦!好心做壞事咋!反而會害到你屋企人!因呢啲人渣冇得救,唔會反省,忍佢,佢只會變本加厲!
若我係你,我會久唔久比說話佢聽囉!”哼!你知唔知你自己姓乜架?喂!你仲未過門架!就算過左門,都一樣可以離婚架咋!咁大個人,唔係要人真係篤爆你先識收吧!若迫到我父母親自出聲捧你走就無謂啦!”
c) 你父母點睇,會否條八婆喺長輩面前好識做戲?係嘅話,就更加要出聲,拆穿佢面具!話比父母知,呢個人有幾恐怖!依家連你媽嘅手機電都照掉!佢太目中無人喇!第日真係嫁左入嚟仲得了?
講真,第日你嫁左,得返你媽喺企,有時老人家要食藥覆診,萬一你媽唔小心講錯嘢得罪佢,佢一巴聲落你媽道咁點算?
你兩個人嘅事,點解報復要拖埋你媽咪舊電落水?今日佢掉得你i-pod,他朝掉你落街都夠膽死!若有人咁對我媽,我一定同佢死過!
d) 照估計你父母都知個八婆啲賤嘢,但奈何你哥中意!你知老人家啦,始終老來想跟住個仔,怕出聲嘈,你哥會為左個賤人而搬出去住!所以就算唔中意都要死忍!會嗎?
e) 有朋友建議同你哥傾下!嘥氣啦,你估佢唔知發生緊乜事咩!睇住家人咁比人玩都唔出聲,都唔係男人嚟架!明顯企喺條八婆嗰邊啦!成32歲人都冇腦嘅!梗係幫左自己人先啦!槍頭梗對外架啦!
以後有咩睇唔過眼就即出聲!唔駛比面你阿哥!係佢唔理你地在先,
f) 唔好比啲賤人分化你家庭(我相信佢同你哥告左唔少枕頭狀),為呢啲人渣攪到家無寧日的話,就當佢溫神咁攀佢扯啦!
或者試試同媽媽傾下應點做,你媽知條八婆郁手打你嗎?
要攞返個主權!分清庄閒,唔好比佢食住,你再唔理,就真係越攪越複雜喇!唔好話多一事不如少一事!做人唔可以咁懦弱!唔可以樣樣都息事寧人!對方已踩到上心口了
g) 總之,一唔對路就頒逐客令!我點解要睇佢面色做人?佢係邊個先?

可以的話,試下偷錄(音)或拍低,平時冇人喺企時佢所做之行為!始終有証據喺手會好好多!
其實仲有好多意見,但篇幅有限,我好希望你可主動電郵比我,又或遲啲我用評論方式繼續發表!總之有咩唔開心,唔知點對付,都可隨時搵我,我真係好想好想可以幫到你!
[email protected]


Winnie

PS : 若真的攀佢走!唔駛換鎖,你地又冇做錯嘢,光明正大,駛理佢,佢試下上嚟,咪即報警囉!

你將以上事情復印私下告訴兄長和媽媽，兄長是否信你是無問題的，重要的，是兄長他知道有此事發生。你和媽小心兄的女朋友行為，你將物件小心放入櫃鎖，尤其你沖凉時更小心她入你房偷藏東西？
叫你媽先和兄長溝通好？你少講嘢，免得她加深對你報復，你為着安全，平時買東西食，問她食甚麼買份給他？原因你不知她是否將來是你大佬老婆。
你年齡少。你大學才可以住宿舍，你比心機讀書？否則更受氣？算了，你當學習社會人際變化鬥爭吧！你日後工作受氣時都頂得順喎！

一定要揭發,
如果你吾揭發的話,
你哥同佢繼續拍拖,or結婚
佢只會不斷甘做埋d"低莊"行為.
繼續同佢一齊住只會更辛苦.

嘩! 世間上竟然有毒嘅人.... 妳和家人很可憐呀 (除咗妳亞哥)! 就算妳息事寧人, 妳亞哥女友都唔係人, 妳唔知會將會發生咩嘢事囉. 好恐怖, 活在惶恐中

我建議妳 :

1) 小心保管財物
2) 起碼告知父或母, 待成年人去處理;
3) 或者叫人裝閉路電視, 捕捉佢惡行, 再去報警.

哎喲, 如果佢做咗妳亞嫂, 仲死! 小妹妹, 總之妳要小心啦!

這裏可以幫到你
http://acyiowni.us.hot.iiszs.com/yahoo.com.hk/hk/auction/178987536

女友留宿時日太多了.而30幾歲哥哥未有打算結婚,又不選擇過同居生活作為女人到了中女日子以近,心裡一定有d生氣,借故衝突為求變.迫你呀哥表態.佢地鬥緊法.她想用家人壓力迫你呀哥.而30幾男人應建家立業,如呀哥無本事做到就係連老婆都找唔到一個.無女人願意不三不四跟男人而佢唔嫁會做定高齡產婦.
而惡化係必定出表.因為佢想有自己的家,而女人容許自己到處訓也不見得是好貨色.你呀媽容許這個女人係因為兒子失敗又想佢有人要.好的不好的都是自己個仔選所以容許.所以無奈.
我猜你家只有呀哥係男人.並無老豆作主.所以有這情况.
問題出在呀哥身上.如果你哋唔出聲.女友知這步棋行不通.又會再吵其他.令家無寧日.佢目的想你呀哥齊齊搬.唔好理你哋.做法好幼稚同不顧後果.自私

女友出手打人,不論誰是誰非.都唔容許.而呀哥一向同家人關係唔好.要相量也不會有好結果.

你忍忍.好快你也要自立的.本事才是你的重點.18歲可獨立申請共房排期很久的相信要等上幾年.到時你20幾歲可以方便獨立.記緊本事才是你的重點.迫自己好好讀書.把握讀書的日子,

他們要如何鬥....呀媽的無奈....日後自有解決冇須急在一時.也冇必要生氣.

2010-04-21 01:32:26 補充：
女友最毒的招是借錢唔還.填你哋地址..債主來門.什麽紅油等等.一拍兩散.手尾長.所以突然有人找佢.都要答唔識佢.冇這個人.

2010-04-21 01:34:34 補充：
希望佢永遠低裝吧!低裝有低裝的好.

同你阿哥傾吓得唔得呀？佢大人大姐喺人哋屋企白食白住好冇意思呀？仲做咁多小動作添，我懷疑佢精神有問題噃，比佢喺你屋企住太危險喇，趕佢走啦，趁佢出咗街扔晒佢啲嘢出門口再換埋把鎖。

佢再咁做的話, 報警吧