砌機小問~~~~~~~~~THX~~

你指CPU散熱風扇?唔同CPU固定風扇嘅方法都有少少差異，不過都應該一樣喺主機板CPU槽周圍有四個窿。通常都係裝好CPU之後，散熱器連風扇裝埋一齊，底下有四支釘之類嘅嘢，對準四個窿之後嵌入去，再確定四支釘都釘實塊板就OK啦。可能有CPU嘅散熱扇裝法特別一啲嘅，最好就refer返跟CPU / 主機板嘅說明書。

如果你問嘅風扇係主機機箱入面嘅風扇就仲簡單，大多數都係靠四粒十字螺絲固定喺主機上預先鑽好嘅窿上面。


除咗上面兩種之外我諗唔到仲有咩主機入面嘅風扇要砌機嘅人裝啦，應該答到你想問嘅嘢啦?




2010-04-20 23:34:09 補充：
唔通係北橋晶片的散熱器？其實同CPU差唔多，應該係用兩支釘去釘住塊板，不過佢支釘無咁大，我未試過拆北橋個散熱器，但係留意下主機板背面，應該可以睇到個散熱器要點拆 / 裝