澳門人去美國讀大學ge問題~

你既意思係你今年20歲但只係讀緊中四嗎？點解超晒齡讀中四架？好啦唔好意思，入正題啦。
如果你只得中四程度確實較麻煩，又如果你係18歲留下既話就好辦事…可惜己超齡。但有志者事竟成，雖然比人起步遲左少少，但都唔係問題架﹗
首先你必須完成中五畢業否則好難有大學肯收你，還是完成埋去才到海外升學。事實上，若果你有中五程度既話，你可以入大學基礎班用這個途徑考入大學。還有，美國讀大學既費用真係好昂貴架。所以001講得岩。不過，入讀社區學院就唔係貴啦﹗所以有點人話去美國讀書平亦係冇錯。
只要你有中五程度+ILETS 5.50分就有資格申請入讀美國既社區學院。學費便宜一年約5-7萬蚊+生活費約6萬，讀兩年。完成兩年就可以獲取副學士畢業証書，之後用佢嚟銜接大學繼續完成3年及4年級。事實上好多同學仔都係用這個途徑考入一級既大學架。當然銜接回正式既大學既學費就超貴，一年約30幾萬。但一級大學既學費就更加貴約40幾萬一年。(想考進一級既大學你既GPA必須考獲3.80分以上才有得傾有點更加要有4.10分才被取錄。合格2.0分，滿分4.0分…所以要4.10分既學府就即係滿分裡更高分。)所以讀社區學院既學生仍然要好努力咁讀書才可以考進心怡既大學架。
有些同學仔雖然被一級大學取錄，但會選擇較次等既大學入讀或者回流本地繼續學業。因為一級大學既學費實在太貴，冇能力繼續負担。就退而求其次入讀較次等既大學或者回港讀。不過其實次等一點既學府亦唔差架，學費又可以便宜10幾萬又有名聲咁何樂而不為。所以入讀美國社區學院實在是不二之選。
香港都冇呢點資助啦…相信澳間亦唔會有。

你應該先完成中五課度然後再考慮到海外升學問題。若果要入讀社區學院既話，若你冇考iLets成績既話亦會接受你既申請。但學院會要求你考入學試來測量你既英文程度去到邊？若果未達標既話就必須進入英文班裡讀，讀到佢認為你達標為止才可以升上大學一年級否則繼續讀。所以若你既英文麻麻地既話最好就係先努力練好英文否則又花時間又花金錢。
001話愛爾蘭升學，其實都係不錯既選擇。但唔一定要讀酒店架，還有正統既學校讀書。當然想賺取半工讀既工資就只有酒店課程。
給一個網你看，睇吓有冇興趣。
http://www.uwants.com/viewthread.php?tid=8140351&extra=page=1&filter=0&orderby=dateline&ascdesc=DESC&page=1

http://www.letsgoedu.com/course/iihcs_ireland_oversea_study/index.html

2010-04-19 19:01:19 補充：
唔認同003講既野，誰說美國既英文唔標準？如果話佢唔標準既話，澳洲都係。事實上，每一個國家既人講既英文都係唔相同。(好似位於英國既蘇格蘭既英文咪一樣係英格蘭人眼中既鄉下話。)最關鍵係而家樓住唔係到海外讀英文，係想升大學呀﹗若果係純粹讀英文既話不如去紐西蘭好過。因為人地一樣係英語系國家兼且只係1兌5點幾…係咪仲平過澳洲呀？

2010-04-19 19:01:52 補充：
加拿大、澳洲跟美國咪一樣有咁多種族，一樣有大把華人。你估有華人就代表佢地會照應你呢班華人學生咩？咁諗完全係錯，人地跟你呢班野三唔識七何來照應？留學生最重係守規佢唔好參與任何既政治亦唔好太過標奇立異，責任就只係努力讀書…遊戲時遊戲、讀書時讀書咁就已經盡好自己既做學生既本份。香港好多學生找學校都盡量唔選擇太多華人既學校去讀，因為怕自己不能學好英文。
還有美國簽証一點都唔麻煩，交給代理就搞掂啦﹗

2010-04-20 12:01:32 補充：
003又唔駛講sorry，都唔係咩錯。只係大家既睇法及所知所聞不同即。
004乜唔係要不停咁讀咩？因為我陪個朋友問，好多間代理都係咁講。但你既講法其實跟代理差唔多…因為英文唔得又點繼續上，咁咪一樣係不停咁讀讀讀…讀到可以transfer到大學為止。 咁對個學生嚟講會好氣餒架﹗

2010-04-20 12:22:02 補充：
樓主，我唔清楚你地澳門既教育制度係點？照你咁講即係跟國際性一樣，六年中學。因為香港中學畢業係中五直到今年都係，明年才開始是中六畢業先為之完成中學課程。
社區學院相等於大學，但只係前者讀兩年後者讀四年。而前者畢業後必須銜接上大學最後既兩年班咁先可以取到學士學位。否則只能取獲副學士學位。

2010-04-20 12:22:19 補充：
樓主，我唔清楚你地澳門既教育制度係點？照你咁講即係跟國際性一樣，六年中學。因為香港中學畢業係中五直到今年都係，明年才開始是中六畢業先為之完成中學課程。
社區學院相等於大學，但只係前者讀兩年後者讀四年。而前者畢業後必須銜接上大學最後既兩年班咁先可以取到學士學位。否則只能取獲副學士學位。

2010-04-21 10:37:15 補充：
004不好意思，我仍然有點唔明？你既意思是唔是話英文就一定要收，只係唔計分？因為美國要求個學生一定要有某程度既英文水平嗎？否則就唔駛畢業？請指教﹗Tks! ^^

上面 edu 說美國讀書一年要四十萬，但其實在美國讀書的費用非常視乎地點及學校，可以由 25 萬至 70 萬，差距很大。

以你的情況，我認為起碼應如 siusiupig57 所講讀完中五過去讀 community college。去美國讀書一般要考 TOEFL，TOEFL 成績不如理想的話，學校可能也會收，只不過要你多讀一科不計學分的英文，而非如 siusiupig57 所說不能讀大學一年級。

soyu1928 所說美國英文不正宗不知是根據甚麼而啽。唔通頒諾貝爾文學獎俾美國人的評審員個個都盲咗？

2010-04-20 22:07:37 補充：
siusiupig57:

美國大學會要求每一個 undergraduate 學生讀兩科英文（假設是 English 101 和 English 102）才可畢業。

當一個外國學生去到學校報到時，學校會要學生參加一個英文考試（有些甚至要考數學）。這個考試的成績並不影響學生入學，它只會影響學生能否選修 English 101 及 102。考得過的當然沒問題，考不過的話，學生就要先讀一科英文先修班，先修班合格後才可讀 English 101。但同時這個學生既然已入學，當然也會選讀其他學科，例如數學、心理學等等。

2010-04-20 22:13:56 補充：
soyu1928: 英文在十八、十九世紀廣為流傳，多個國家以英語為母語，各有各的發展，已很難說正不正宗。即使英語起源地英國，國內不同人種、階層的人的英語都有差異，你試聽蘇格蘭人的英語就知。

還有，美國大學及領使館只要求學生出示證明有錢讀第一年而已。貴如哈佛，亦不需港幣一百萬元一年！

2010-04-21 16:13:58 補充：
siusiupig57:

無論是否考得過入學前嗰個英文試，都要讀 English 101 和 102 兩科。如果考唔過的，就要先讀一科英文先係科（譬如叫做 English 100，一般三個學分），幫呢 D 英文唔好嘅人打好個底。這科 English 100 一樣要考試，有 grade，同埋亦會列在成績表內，但這 English 100 的三個學分，不能算在畢業所需的學分之中，因為可能是水準較低緣故。所以人哋可能 128 個學分畢業，讀埋 English 100 的人就會有 131 個學分。

你邊度聽返來美國係平D?? 美國係超貴架喎><!! 每年最少40萬,只講讀4年大學,都120萬啦..未計你生活,未計你讀中學喎???邊度D消息搞到你咁大錯誤.仲有喎,做學生簽證的資金證明起碼50萬.即係話你唔計交學費,個戶口最少要有50萬定期最少半年至一年啦.. 真係吾知邊個誤導你...
大學仔啦,唔好人話好你就話好..澳門政府應該唔會資助人地去外國讀書架..呢個政策應該唔會有一個國家願意啦.. 自己地方撥咗咁多錢做教育,反而資助你去外國,咪發夢!!
唉!! 真係冇乜錢.我提議你留意下愛爾蘭. 愛爾蘭係一個近年新興留學的國家,所以暫時都未係好多華人,可以學好英文.另外,又豁免咗香港&澳門特區護照的簽證,即係唔洗睇資金,又唔洗body check..搵一間叫愛爾蘭酒店學校都幾好架.課程有埋實習.在愛爾蘭係有薪金架..讀完接埋大學二年級. 四年大學畢業,仲係國際認可..okok!!