(健身)增肌奶粉一問?

✔ 最佳答案

<我一個星期有4日會去做gym......有時會做到d肌肉好酸軟。玩左咁耐好似練極都冇乜增強到力量>

其實好多初學者都有呢個問題的。常見的原因係姿勢唔正確，或個 schedule set 得唔好，又或者生活習慣，例如飲食和休息配合得唔。呢 d 要請教練或資深師兄指導，響 yahoo 知識好難教你。

<1)我應該食增肌奶粉嗎?>

好難有一個絕對的答案，因為只看你的發問，好難斷定你是否營養唔夠，抑或其他問題令你無進步。

當然，健身奶粉對運動和增肌都會幫助的，幫你復原得快點，也提供額外的營養幫你建造肌肉，只要運動量夠的話，就可考慮食。而你一星期練四天，都算唔錯了，可以一試。

其實健身奶粉只係輔助，正餐食多點碳水化合物 (飯，麵) 和蛋白質 (肉，魚) 都可以的，不一定要食健身奶粉。

<2)有方法糾正左右大細胸的局面嗎?>

呢個好大機會係你個動作做得唔好所致，一定要教練或資深師兄親自睇過你個動作，再針對糾正才行，我無見過你點做，做成點，無辦法提供改善意見。

另一方面，你是否主要練器械多？由於器械成個都係 <梗> 的，就算你左右用力不均勻，一樣照做得到個動作，久而久之，就會左右發展唔平衡了。

所以建議改為做啞鈴或 bar 會好 d，不過推 bar 或啞鈴的危險性也相對較高，所以更加需要教練或資深師兄指導，唔好自己盲目試。

<3我可能對奶類會有肚瀉程況出現,有什麼奶粉牌子可以介紹一下嗎?>

好多人都有呢個問題，而每個人腸胃不同，對健身奶粉的反應亦會不一樣，同一隻奶粉，有人會好
吸收有效，有人會食都消化不良。呢 d 野真係要自己慢慢試。

而且健身奶粉分兩隻的。一隻係 whey，另一隻係 gainer；前者主要係蛋白質，無咁肥；後者同時包括了蛋白質和碳水化合物，更加肥
，比較滯，適合瘦人。

如果你平日飲奶會肚瀉的，就要注意避免購買含 lactose (乳糖)
的健身奶粉了，因為健身奶粉中的 lactose 同樣會引起你肚瀉的。

初初試的話，建議試試中價貨，不需要買貴野，亦唔好隔價隔得太盡。

整體而言，可以試下呢幾隻：

ON Whey:
http://www.hk-nutrition.com/product_info.php?products_id=115

Dymatize Gainer:
http://www.hk-nutrition.com/product_info.php?products_id=226

Cyto Gainer
http://www.hk-nutrition.com/product_info.php?products_id=33

不過還是那句老說話：個個人腸胃不同，唔敢包話實適合你的。

<4)由於我不是日日去健身,可以只在健身後的1小時內飲用嗎?(請給建議)>

健身奶粉要日日食，一般為運動後一小時內進食，唔運動那天則當下唔茶好了；而且必須要飲多點水，食多點水果，否則會熱氣。

回答 (2)